قىرعىزدار دا استانالارىنىڭ اتىن وزگەرتۋگە ۇسىنىس جاسادى. بىراق بىزدەگىدەي ەمەس... قىرعىزستان پرەزيدەنتى اپپاراتىنىڭ بۇرىنعى جەتەكشىسى ەميلبەك قاپتاگاەۆ بىشكەك قالاسىنىڭ اتىن ماناس دەپ ءوزگەرتۋ تۋرالى ۇسىنىس ايتتى. ونىڭ پىكىرىنشە، بىشكەك دەپ قالاداعى اۋداننىڭ اتىن قالدىرسا جەتكىلىكتى

"بالەنباي جىل وتكەننەن كەيىن قانداي دا ءبىر دامە پايدا بولماس ءۇشىن بالكىم، بىزگە قالانى ازىردەن-اق ماناس دەپ وزگەرتكەن دۇرىس شىعار؟ بۇل بارلىق جاعىنان ءادىل بولار ەدى... قالاداعى سۆەردلوۆ اۋدانىن بىشكەك دەپ اتاعان دۇرىس شىعار، سەبەبى پىشپەك باسقارماسى (نەگە ەكەنى بەلگىسىز، قازىر "ۇستا قامالى" دەپ ايتىلىپ ءجۇر - ە.ك.) ءدال سول جەردە ورنالاسقان عوي جانە بىشكەك حالقى دا سوندا شوعىرلانسا كەرەك... ال بىشكەك باتىردىڭ تاريحتا بولعانى داۋلى كۇيىندە قالىپ وتىر، سەبەبى ول تۋرالى اڭىزدان باسقا بىردە-ءبىر تاريحي قۇجات جوق" دەپ جازعان ول Facebook-تاعى پاراقشاسىندا.

ونىڭ بۇل ۇسىنىسىن الەۋمەتتىك جەلىدە كەيبىر ازاماتتار قولداپ، كەيبىرى قارسى بولعان.

قاپتاعاەۆتىڭ بۇل ۇسىنىسى قازاقستان استاناسىنىڭ اتاۋى وزگەرگەن شاقتا ايتىلىپ وتىر. قازاقستان پرەزيدەنتى قاسىم-جومارت توقاەۆ 23 ناۋرىز، سەنبى كۇنى استانا قالاسىن نۇر-سۇلتان دەپ اتاۋ تۋرالى جارلىققا قول قويعان.

“The Qazaq Times”