Foto: https://bnews.kz

Wlttıq qauipsizdik komitetiniñ basşısı Kärim Mäsimov Qazaqstannıñ twñğış prezidenti Nwrswltan Nazarbaev turalı kitap jazbaq.

Mäsimov: «Nwrswltan Äbişwlı – wlı adam. Ol turalı kitap jazamın, onı «Elbası kömekşiniñ közimen» dep ataymın. Kitap qızıqtı boladı. Paraqtarı «jabıq» qızıq kitap boladı», – dedi.

2011 jılı Mäsimov: «2007 jılı qañtarda, Nwrswltan Äbişwlı, meni alğaş ret prem'er-ministr etip tağayındadıñız. Sol kezde qanday qızmette bolsam da, sizdiñ adal kömekşiñiz bolamın dep uäde bergen edim. Nwrswltan Äbişwlı, bügin qayta aytqım kelip twr: men äli de sizdiñ kömekşiñizbin, äli de şäkirtiñizbin. Qazaqstandı damıtu boyınşa ülken isterdi jüzege asıruğa meniñ de qatısuıma mümkindik bergeniñizben maqtanamın», – degen bolatın.

2016 jılı 8 qırküyekte WQK basşısı bolıp tağayındalğan Mäsimov prem'er-ministrdiñ qızmetinde bolğanına qaramastan özin prezidenttiñ kömekşisimin dep birneşe ret ağınan jarılğan.

"The Qazaq Times"