Фото: https://bnews.kz

Ұлттық қауіпсіздік комитетінің басшысы Кәрім Мәсімов Қазақстанның тұңғыш президенті Нұрсұлтан Назарбаев туралы кітап жазбақ.

Мәсімов: «Нұрсұлтан Әбішұлы – ұлы адам. Ол туралы кітап жазамын, оны «Елбасы көмекшінің көзімен» деп атаймын. Кітап қызықты болады. Парақтары «жабық» қызық кітап болады», – деді.

2011 жылы Мәсімов: «2007 жылы қаңтарда, Нұрсұлтан Әбішұлы, мені алғаш рет премьер-министр етіп тағайындадыңыз. Сол кезде қандай қызметте болсам да, сіздің адал көмекшіңіз боламын деп уәде берген едім. Нұрсұлтан Әбішұлы, бүгін қайта айтқым келіп тұр: мен әлі де сіздің көмекшіңізбін, әлі де шәкіртіңізбін. Қазақстанды дамыту бойынша үлкен істерді жүзеге асыруға менің де қатысуыма мүмкіндік бергеніңізбен мақтанамын», – деген болатын.

2016 жылы 8 қыркүйекте ҰҚК басшысы болып тағайындалған Мәсімов премьер-министрдің қызметінде болғанына қарамастан өзін президенттің көмекшісімін деп бірнеше рет ағынан жарылған.

"The Qazaq Times"