Foto: https://jpgazeta.ru

AQŞ prezident Donal'd Tramp Kongrestiñ elde tötenşe jağdaydı toqtatu turalı şeşimine veto qoydı. Bwl turalı Reuters agenttigi habarladı.

AQŞ-tıñ Meksikamen şekara arasındağı jağday Ortalıq Amerikasınan birneşe migrant kerueniniñ şığuına baylanıstı, bıltır qazannan beri şielenise tüsken. Öz elderinde aştıq-pen zorlıq-zombılıqtan qaşqan adamdardıñ bäri AQŞ-qa ötudi qalaydı. Biraq, Aq üy basşısı Tramp zañsız migraciyanıñ artuı eldiñ qauipsizdigine nwqsan keltiredi dep, olardıñ elge kiruine qarsılıq bldirgen.

Tramp osığan deyin 8 qañtarda halıqqa joldau jasap, Meksikamen aradağı şekara mäselesine qatıstı 5,7 mlrd dollarğa juıq qarjı bölu kerektigin ayqan bolatın. Biraq, Kongrestegi demokrattar prezidenttiñ bwl wsınısın qabıldaudan bas tartıp, biılğı byudjet kölemi anıqtalğan joq. Bekitilmegen byudjet saldarınan 22 jeltoqsannan beri AQŞ federaldı biliginiñ jwmısı işinara toqtatılğan bolatın. Bwl mäselege qatıstı Donal'd Tramptıñ özi: «Ükimettiñ tolığımen qaşan jwmısqa kirisetindigin ayta almaymın. Şekarada qaqpa twrğızılmayınşa «şatdaun» jalğasa beredi. Bwl qabırğa elge zañsız kirgisi keletinderge tosqauıl boladı. Jahandıq keselge aynalğan adam saudası men esirtki tasımalına nükte qoyadı. Qazirgi uaqıtta biz adam saudalauşılardı qolğa tüsiru üşin jwmıs istep jatırmız. Al Meksikamen aradağı şekarağa qaqpa salınbayınşa, osı atalğan keseldermen küresu qiınğa soğadı»,– dep mälimdedi.

Eki el arasındağı şekaradağı ahualğa baylanıstı Amerikada birneşe uaqıt şatdaun bolıp, elde tötenşe jağday engizilgen bolatın. Sebebi Tramp onı jariyalau arqılı şekarağa qorğan saluğa qajetti qarjı aludı közdep otır. Eldiñ bas prokurorı Aq üy basşısınıñ äreketi zañdı ekendigin ayttı.

"The Qazaq Times"