Aq üydiñ wlttıq qauipsizdik jönindegi keñesşisi Bolton. Foto: VOA.

AQŞ pen Soltüstik Koreya basşıları kelisimge kele almağannan keyin, älem elderiniñ aqparat keñistiginde Soltüstik Koreya zımıran sınaqtarın qaytalauğa dayındaluı mümkin degen boljamdar köbirek aytıldı. Jeksenbi küni Tramp ükimeti jasağan mälimdeme bwnı joqqa şığardı.

Osıdan bwrın AQŞ-tağı zertteu ortalığı jasandı jer seriginen tüsirilgen suretterin alğa tarta otırıp, Soltüstik Koreyanıñ keybir sınaq poligonın qayta qalpına keltirip jatqanın aytqan edi. Aq üy bwl suretterge tüsinikteme beruden bas tarttı. Biraq, Soltüstik Koreya  yadrolıq nemese zımıran sınaqtarın qaytalauın «fantaziya» dep bağalağan.

Soltüstik Koreyağa baylanıstı bwnday mälimdemeni Aq üydiñ wlttıq qauipsizdik jönindegi keñesşisi Bolton öziniñ ABC arnasındağı swhbatında aytqan. Ol Qwrama Ştat tarabı Soltüstik Koreyanı «üzbey baqılap otırğanın», «kommerciyalıq sputniktiñ suretterine baylanıstı tüsinikteme bere almaytının» aytqan.

Bolton Soltüstik Koreya poligondarına qatıstı Aq üy resmi qorıtındı jasaytının eskertti. «Biz olardıñ qazir ne istep otırğanın anıq bilemiz. Är küni barlau qızmetiniñ esebin qarap otırmız», – deydi Bolton.

Jwma küni prezident Tramp ta bwğan qatıstı öz pikirin bildirdi. Ol Soltüstik Koreyanıñ bwnday qadamğa barmaytınına senedi, äri Soltüstik Koreya yadrolıq sınaqtardı qaytalasa bwnıñ «Soltüstik Koreya üşin zardabı auır» bolatının eskertken.

Prezident Tramp Soltüstik Koreya mäselesinde öziniñ Obama ükimetimen salıstıra otırıp, tabıstı sınaqtar jasap jatqanın aytqan. Ol sözinde: «Men alğaş qızmetke kiriskende, Obama ükimetiniñ twsında Soltüstik Koreya apatpen birdey edi. Sizder bilesizder me, bilmeysizder me, äñgime onda emes, bäriñ tek soğısqa qaray ketip bara jatqan ediñder. Men sol bılıqpalıqtı qabıl aldım. Eger sınaq bolmasa, eşteñe de bolmaydı. Endi biz ne bolıp jatqanın qarap köreyik...», – degen.

“The Qazaq Times”