Foto: www.inform.kz

Almatıda «Rahat palas» qonaq üyiniñ mañında atıs bolıp, 4 küdikti wstaldı. Bwl turalı policiya departamentiniñ resmi ökili Saltanat Äzirbek habarladı.

Vedomstvo ökilderi: «Almatı qalalıq Policiya departamenti 7 naurızda Almatı qalasınıñ Bostandıq audanında orın alğan qılmıstıñ aşılğanın habarlaydı. Küdiktiler PD uaqıtşa wstau izolyatorına qamauğa alındı», – dep habarladı.

Mälimetter boyınşa, atıs Bostandıq audanına qarastı Sätpaev Bayzaqov köşesi qiılısındağı qonaq üylerdiñ mañında bolğan. Qazirgi uaqıtta tergeu jwmıstarı jürgizilip jatır.

Sol küni birneşe er adamnıñ Gelandewagen köliginiñ janında toptasıp twrğanı, keyinnen belgisiz bireudiñ olarğa qarata oq jaudırğanı beynekamerağa tüsip qalğan. Video instagram äleumettik jelisinde jariyalandı.

"The Qazaq Tımes"