Foto: ernur.kz

2018 jılı Birıñğay jinaqtauşı zeynetaqı qorı (bwdan äri – BJZQ, Qor) salımşılarınıñ şottarına 847,1 mlrd teñge köleminde zeynetaqı jarnaları tüsken. Bwl 2017 jıldıñ säykes körsetkişimen salıstırğanda 92,7 mlrd teñgege, yağni 12 payızğa joğarı.

BJZQ aqparat qızmetiniñ mälimeti boyınşa, salımşılar men aluşılardıñ şottarına ülestirilgen taza investiciyalıq tabıs 917,1 mlrd teñgege jetken. Ol 2017 jılğı körsetkişpen (550,5 mlrd teñge) salıstırğanda 67 payızğa joğarı. YAğni, 2018 jılı 1 teñge jarnağa 1 teñge investiciyalıq tabıs esepteldi. Bwl Qor qwrılğannan bergi rekordtıq körsetkiş.

Sonday-aq, 2018 jılı BJZQ zeynetaqı aktivteriniñ tabıstılığı 11,27 payız bolsa, osı kezeñde inflyaciya deñgeyi 5,3 payızdı körsetken. YAğni, bir jıl işinde zeynetaqı aktivteri boyınşa naqtı, taza tabıstılıq – 5,97 payızdı qwradı. Salıstırıp qaraytın bolsaq, 2017 jılı zeynetaqı aktivteriniñ tabıstılığı 7,92 payız, al inflyaciya deñgeyi 7,1 payız bolğan.

Jalpı zeynetaqı aktivteriniñ ösimi şamamen 21 payız boldı. Ayta ketelik, zeynetaqı aktivteri jarnalardan, tölemderden jäne investiciyalıq tabıstan qwraladı.

Sonımen birgen, zeynetaqı jinaqtarınıñ naqtı tabıstılığı 2019 jıldıñ alğaşqı aylarında da inflyaciya deñgeyinen 6,1 payızdıq tarmaqqa joğarı bolıp otır: soñğı 12 ay işinde (2018 jıldıñ aqpanı men 2019 jıldıñ qañtarı aralığında) zeynetaqı aktivteriniñ tabıstılığı 11,3 payız bolsa, osı kezeñde inflyaciya deñgeyi 5,2 payızdı körsetti.

"The Qazaq Times"