2018 جىلى بىرىڭعاي جيناقتاۋشى زەينەتاقى قورى (بۇدان ءارى – بجزق، قور) سالىمشىلارىنىڭ شوتتارىنا 847,1 ملرد تەڭگە كولەمىندە زەينەتاقى جارنالارى تۇسكەن. بۇل 2017 جىلدىڭ سايكەس كورسەتكىشىمەن سالىستىرعاندا 92,7 ملرد تەڭگەگە، ياعني 12 پايىزعا جوعارى.
بجزق اقپارات قىزمەتىنىڭ مالىمەتى بويىنشا، سالىمشىلار مەن الۋشىلاردىڭ شوتتارىنا ۇلەستىرىلگەن تازا ينۆەستيتسيالىق تابىس 917,1 ملرد تەڭگەگە جەتكەن. ول 2017 جىلعى كورسەتكىشپەن (550,5 ملرد تەڭگە) سالىستىرعاندا 67 پايىزعا جوعارى. ياعني، 2018 جىلى 1 تەڭگە جارناعا 1 تەڭگە ينۆەستيتسيالىق تابىس ەسەپتەلدى. بۇل قور قۇرىلعاننان بەرگى رەكوردتىق كورسەتكىش.
سونداي-اق، 2018 جىلى بجزق زەينەتاقى اكتيۆتەرىنىڭ تابىستىلىعى 11,27 پايىز بولسا، وسى كەزەڭدە ينفلياتسيا دەڭگەيى 5,3 پايىزدى كورسەتكەن. ياعني، ءبىر جىل ىشىندە زەينەتاقى اكتيۆتەرى بويىنشا ناقتى، تازا تابىستىلىق – 5,97 پايىزدى قۇرادى. سالىستىرىپ قارايتىن بولساق، 2017 جىلى زەينەتاقى اكتيۆتەرىنىڭ تابىستىلىعى 7,92 پايىز، ال ينفلياتسيا دەڭگەيى 7,1 پايىز بولعان.
جالپى زەينەتاقى اكتيۆتەرىنىڭ ءوسىمى شامامەن 21 پايىز بولدى. ايتا كەتەلىك، زەينەتاقى اكتيۆتەرى جارنالاردان، تولەمدەردەن جانە ينۆەستيتسيالىق تابىستان قۇرالادى.
سونىمەن بىرگەن، زەينەتاقى جيناقتارىنىڭ ناقتى تابىستىلىعى 2019 جىلدىڭ العاشقى ايلارىندا دا ينفلياتسيا دەڭگەيىنەن 6,1 پايىزدىق تارماققا جوعارى بولىپ وتىر: سوڭعى 12 اي ىشىندە (2018 جىلدىڭ اقپانى مەن 2019 جىلدىڭ قاڭتارى ارالىعىندا) زەينەتاقى اكتيۆتەرىنىڭ تابىستىلىعى 11,3 پايىز بولسا، وسى كەزەڭدە ينفلياتسيا دەڭگەيى 5,2 پايىزدى كورسەتتى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى