Rim papası Ierusalimde. Foto: The Times of Israel.

Rim papası Francisk Vatikannıñ qwpiya mwrağatı 2020 jılı halıqqa aşıq bolatının mälimdedi. Onda Düniejüzilik ekinşi soğıs kezindegi köptegen derekter saqtalğandıqtan, evreyler Vatikan mwrağatınıñ aşıluın köpten kütken bolatın.

Katolikterdiñ ruhani kösemi papa Francisk mälimdemesinde, qwpiya mwrağattıñ Piy XII kezeñi jwrtqa qoljetimdi bolatının ayttı. Papa Piy XII 1939 jılı 2 naurızdan 1958 jılı 9 qazanğa deyin Vatikannıñ dini kösemi bolğan. Evrey halqı sol kezdegi Rim papasınıñ evreylerge bağıttalğan qırğınğa köz jwma qaradı dep ayıptaydı.

Biraq, «Şirkeu tarihtan qorıqpaydı», – degen papa Francisk sol kezeñdegi qwpiya mwrağattar 2020 jılı 2 naurızdan bastap halıqqa qoljetimdi bolatının mälimdedi.

Ayta ketu kerek, Düniejüzilik evreyler komiteti atalğan mwrağattıñ aşıluın 30 jıldan beri talap etip kele jatqan bolatın. XX ğasırdıñ qandı tañbalarınan tıs, Vatikannıñ qwpiya mwrağatı sionizm men hristian jwrtı arasındağı keybir talas-tartıstar üşin de mañızdı.

“The Qazaq Times”