قازاقستان ۇلتتىق قۇراماسىنىڭ كوشباسشىسى الەكسەي پولتورانين 2019 جىلعى ءاچ كەزىندە اۆستريالىق پوليتسەيلەردىڭ تۇتقىنىنا اينالدى. قازىرگى تاڭدا سپورتشىعا دوپينگ ەرەجەسىن بۇزدى دەگەن ايىپ تاعىلىپ وتىر.
«اۆستريانىڭ زەەۆەلدتەگى قازاقستان شاڭعى قۇراماسىنىڭ شتابى بۇل جاعدايعا قاتتى تاڭعالىپ وتىر. ەگەر سپورتشىنىڭ دوپينگ قابىلداعاندىعى راس بولسا، وندا فەدەراتسيا بىردەن مالىمدەمە جاسايدى. قازىرگى تاڭدا ءبىز سپورتشىلاردىڭ ەرەجەگە ساي ەمەس زياندى زاتتاردى پايدالانىنا قاتاڭ تۇردە توسقاۋىل قويعان بولاتىنبىز. ازىرگە ءپولتورانيننىڭ ناقتى دوپينگ قابىلداعانى بەلگىسىز»، دەدى ۇلتتىق شاڭعى جارىسى فەدەراتسياسىنىڭ ءباسپاسوز-حاتشىسى سامال ناۋرىزوۆا.
سونىمەن قاتار، الەكسەيدىڭ مۇنداي جاعدايعا تاپ بولعاندىعىنا ءوزى دە قاتتى تاڭعالۋدا.
ەستەرىڭىزگە سالا كەتەيىك، 27 اقپان كۇنى اۆستريانىڭ زەەفەلد تاۋ-شاڭعى دەمالىس ايماعىندا قازاقستاندىق سپورتشى ءوزىنىڭ ەڭ سۇيىكتى شاقىرىمى بويىنشا جارىسقا شىقپاعان. ءتۇرلى باق وكىلدەرىنىڭ اقپاراتى بويىنشا، الەكسەيمەن بىرگە ەستونيالىق شاڭعىشى اندرۋس ۆەەرپالۋ جانە اۆستريالىق ماكس حاۋكە دە دوپينگ پايدالاندى دەگەن كۇدىككە ىلىنگەن.
نەمىس جانە اۆستريالىق پوليتسەيلەردىڭ حالىقارالىق دوپينگ جەلىسىن اشۋ تۋرالى وتكىزگەن اكتسياسى بارىسىندا 9 ادام قۇرىقتالعان. ولاردىڭ ىشىندەگى 5- سپورتشىلار. قازىرگى تاڭدا بۇل ىسكە ءپولتورانيننىڭ قاتىسى بار ما، جوق پا انىقتالۋدا.
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى