AQŞ prezidenti Donal'd Tramp jwmıs küşiniñ arzandığına baylanıstı öndiris jwmıstarın şeteldik azamattardı tarta otırıp, şekaradan tıs öñirlerde jasauğa tırısatın kompaniyalarğa salınatın «şekaralıq salıq» josparın bekitti dep habarlaydı Reyter agenttigi.

Agenttikke bergen swhbatında Tramp bwl jüyeniñ Qwrama ştattardağı azamattardıñ jwmıs ornımen köptep qamtıluına mümkindik beretindigin jetkizdi.
Donal'd Tramp: «Men belgili bir mölşerdegi şekaralıq salıqtı tolıqtay qoldaymın. Kompaniyalar elge oraluı jäne öndiris orındarın osında saluı kerek, sol arqılı köptegen jwmıs orındarınıñ aşılatınına senimdimin. Sol kezde eşqanday salıq ta bolmaydı», - dep oyın ayqın jetkizdi.
Sonımen qatar, AQŞ-tıñ bwrınğı prezidenti Barak Obamanıñ jürgizgen densaulıq saqtau reformasın toqtatqannan keyin respublikalıqtarmen uäde etilgendey jaña salıqtıq reformanı jüzege asıru josparlanıp otırğanın de aytıp ötti.
Osı uaqıtqa deyin de Tramp osığan wqsas salıqtıqtıq reformalardıñ jüzege asıru kerektigin aytıp, biraq onıñ wzaq uaqıttı qajet etip qana qoymay, «öte qiın» bolatındığın da eskertken bolatın.

Gauhar Jaqıpbay
"The Qazaq Times"