اقش پرەزيدەنتى دونالد ترامپ جۇمىس كۇشىنىڭ ارزاندىعىنا بايلانىستى ءوندىرىس جۇمىستارىن شەتەلدىك ازاماتتاردى تارتا وتىرىپ، شەكارادان تىس وڭىرلەردە جاساۋعا تىرىساتىن كومپانيالارعا سالىناتىن «شەكارالىق سالىق» جوسپارىن بەكىتتى دەپ حابارلايدى رەيتەر اگەنتتىگى.

اگەنتتىككە بەرگەن سۇحباتىندا ترامپ بۇل جۇيەنىڭ قۇراما شتاتتارداعى ازاماتتاردىڭ جۇمىس ورنىمەن كوپتەپ قامتىلۋىنا مۇمكىندىك بەرەتىندىگىن جەتكىزدى.
دونالد ترامپ: «مەن بەلگىلى ءبىر مولشەردەگى شەكارالىق سالىقتى تولىقتاي قولدايمىن. كومپانيالار ەلگە ورالۋى جانە ءوندىرىس ورىندارىن وسىندا سالۋى كەرەك، سول ارقىلى كوپتەگەن جۇمىس ورىندارىنىڭ اشىلاتىنىنا سەنىمدىمىن. سول كەزدە ەشقانداي سالىق تا بولمايدى»، - دەپ ويىن ايقىن جەتكىزدى.
سونىمەن قاتار، اقش-تىڭ بۇرىنعى پرەزيدەنتى باراك وبامانىڭ جۇرگىزگەن دەنساۋلىق ساقتاۋ رەفورماسىن توقتاتقاننان كەيىن رەسپۋبليكالىقتارمەن ۋادە ەتىلگەندەي جاڭا سالىقتىق رەفورمانى جۇزەگە اسىرۋ جوسپارلانىپ وتىرعانىن دە ايتىپ ءوتتى.
وسى ۋاقىتقا دەيىن دە ترامپ وسىعان ۇقساس سالىقتىقتىق رەفورمالاردىڭ جۇزەگە اسىرۋ كەرەكتىگىن ايتىپ، بىراق ونىڭ ۇزاق ۋاقىتتى قاجەت ەتىپ قانا قويماي، «وتە قيىن» بولاتىندىعىن دا ەسكەرتكەن بولاتىن.

گاۋھار جاقىپباي
"The Qazaq Times"