Iran studentteri. Foto: iranpresswatch.org,

Irannıñ Beheşti jäne Sanati Şerif Universiteti AQŞ tarabınan sankciya tizimine ilingen. Qwrama Ştat atalğan joğarı oqu orındarın Irannıñ yadrolıq bağdarlamasına qoldauşı qızmet atqarğan dep qaraydı.

Irannıñ IRNA aqparattıq agenttiginiñ habarına qarağanda, eldiñ ğılımi zertteu jäne tehnologiyalar ministri sankciyağa alınğan eki universitettiñ mäselesi boyınşa Batıs elderimen kelissözder ötkizuden.

Ğılımi zertteu jäne tehnologiyalar ministri Mansur Ğulami bwl turalı: «Irannıñ joğarı oqu orındarına degen qate tüsinik bar. Qwrama Ştat eki universitetti yadrolıq bağdarlamağa qatıstı dep sanaydı. Şın mänisinde bwl universitetter yadrolıq fizika salasında derbes zertteuler jasap, jwmıstarınıñ nätijesinde ğılımi maqalalardı şeteldik basılımdarğa jariyalap twrğan», – dedi.

2015 jılı şildede BWW QK-nıñ twraqtı müşeleri men Iran arasında qol qoyılğan kelisimnen Tramp biligi bir jaqtı bas tarttı. 2018 jılı mamır ayında atalmış «Ortaq qadam» kelisiminen şığıp ketti. Bwldan keyin AQŞ Iranğa bağıttağan sankciyaların qayta iske qosıp, Irandı ekonomikalıq jaqtan qıspaqqa aluda.

“The Qazaq Times”