يراننىڭ ەكى زەرتتەۋ ۋنيۆەرستيتەتى اقش سانكتسياسىنا ءىلىندى

يراننىڭ بەحەشتي جانە ساناتي شەريف ۋنيۆەرسيتەتى اقش تارابىنان سانكتسيا تىزىمىنە ىلىنگەن. قۇراما شتات اتالعان جوعارى وقۋ ورىندارىن يراننىڭ يادرولىق باعدارلاماسىنا قولداۋشى قىزمەت اتقارعان دەپ قارايدى.

يراننىڭ IRNA اقپاراتتىق اگەنتتىگىنىڭ حابارىنا قاراعاندا، ەلدىڭ عىلىمي زەرتتەۋ جانە تەحنولوگيالار ءمينيسترى سانكتسياعا الىنعان ەكى ۋنيۆەرسيتەتتىڭ ماسەلەسى بويىنشا باتىس ەلدەرىمەن كەلىسسوزدەر وتكىزۋدەن.

عىلىمي زەرتتەۋ جانە تەحنولوگيالار ءمينيسترى مانسۋر عۋلامي بۇل تۋرالى: «يراننىڭ جوعارى وقۋ ورىندارىنا دەگەن قاتە تۇسىنىك بار. قۇراما شتات ەكى ۋنيۆەرسيتەتتى يادرولىق باعدارلاماعا قاتىستى دەپ سانايدى. شىن مانىسىندە بۇل ۋنيۆەرسيتەتتەر يادرولىق فيزيكا سالاسىندا دەربەس زەرتتەۋلەر جاساپ، جۇمىستارىنىڭ ناتيجەسىندە عىلىمي ماقالالاردى شەتەلدىك باسىلىمدارعا جاريالاپ تۇرعان»، – دەدى.

2015 جىلى شىلدەدە بۇۇ قك-نىڭ تۇراقتى مۇشەلەرى مەن يران اراسىندا قول قويىلعان كەلىسىمنەن ترامپ بيلىگى ءبىر جاقتى باس تارتتى. 2018 جىلى مامىر ايىندا اتالمىش «ورتاق قادام» كەلىسىمىنەن شىعىپ كەتتى. بۇلدان كەيىن اقش يرانعا باعىتتاعان سانكتسيالارىن قايتا ىسكە قوسىپ، يراندى ەكونوميكالىق جاقتان قىسپاققا الۋدا.

“The Qazaq Times”