Photo: tj.sputniknews.ru

Täjikstandağı aqparattıq sayttar qauipsizdikti saqtau maqsatında bwğattaladı. Bwl turalı Täjikstan sırtqı ister ministri Sirodjiddin Muhriddin  jurnalistermen kezdesu barısında ayttı.

"Aqparattıq sayttar eldegi twraqtılıqtı saqtau maqsatında bwğattaladı. Kartağa qarasaq, biz Auğanstanmen şektesemiz. Sol sebepti alıs-jaqındağı basqa elder Auğanstannıñ bizge äseri bar, äri bizdiñ elde de Auğanstandağıday qiındıqtar bar degen oyda. Täjikstan äskeri tehnika ne äskeri jabdıqtar şığarmaydı. Desek te, biz aymaqtağı twraqtı damu üstindegi memleketpiz", - dedi.

Sonday-aq, ol Täjikstandağı azamattıq soğısqa  aqparattıñ aşıqtığı sebep bolğanın atap ötti.

"Kim qanday ideologiyanı qalasa, sonı erkin türde taratıp otırdı. Bwl bizge sabaq boldı. Aqparattıñ küşi mıqtı, köp närsege äser etedi. Sol sebepti azamattarımızdıñ patriottıq sezimin oyatu üşin, äri jaağdaydı baqılau maqsatında key aqparattıq sayttar bwğattaladı", - dedi ministr.

Sonımen birge, Täjikstanda aqparattıq sayttar men qatar äleumettik jeliler de jii bwğattaladı. Mäselen, jıldıñ basında Feysbuk, Instagram, Odnoklassniki jäne Vkontakte äleumettik jelileri bwğattalğan edi.

"The Qazaq Times"