Ukraina aqpan ayında Qırım tübeginiñ mañında auqımdı äskeri jattığu ötkizuge dayındalıp otırğanın mälimdedi. Bwl mälimdeme Ukraina Qorğanıs ministrligi jağınan jasalğan.

Ukraina Qorğanıs ministrliniñ mälimdemesinde, 2019 jılı 4 auqımdı äskeri jattığu ötkizudi josparlağandarın, bwnıñ alğaşqısı aqpan ayında Qırım mañında äue qorğanıs jüyeleriniñ jattığuımen bastalatının aytqan.

Äue qorğanıs küşteriniñ resmi ökili jasağan bayandamada: «Biılğı oqu-jattığular bıltırğıdan kölemdi jäne naqtı qorğanıs pen şabuıl jasau jattığularına bağıttaladı. Kezekti äue qorğanıs jattığuğa «Buk-M1» jäne «S-300P» jüyeleri paydalanıladı. Jattığu tolıqtay soğıs jağdayına wqsatılğan», – deydi.

Ukrainanıñ kezekti äskeri äreketteri Reseyden töngen äskeri qısımğa qarsı jauap retinde jasalıp jatqanı belgili. Eki el arasındağı janjaldardıñ uşığuı äskeri qaqtığıstıñ qaupin bağan sayın küşeytude.

“The Qazaq Times”