ۋكراينا اقپان ايىندا قىرىم تۇبەگىنىڭ ماڭىندا اۋقىمدى اسكەري جاتتىعۋ وتكىزۋگە دايىندالىپ وتىرعانىن مالىمدەدى. بۇل مالىمدەمە ۋكراينا قورعانىس مينيسترلىگى جاعىنان جاسالعان.

ۋكراينا قورعانىس ءمينيسترلىنىڭ مالىمدەمەسىندە، 2019 جىلى 4 اۋقىمدى اسكەري جاتتىعۋ وتكىزۋدى جوسپارلاعاندارىن، بۇنىڭ العاشقىسى اقپان ايىندا قىرىم ماڭىندا اۋە قورعانىس جۇيەلەرىنىڭ جاتتىعۋىمەن باستالاتىنىن ايتقان.

اۋە قورعانىس كۇشتەرىنىڭ رەسمي وكىلى جاساعان باياندامادا: «بيىلعى وقۋ-جاتتىعۋلار بىلتىرعىدان كولەمدى جانە ناقتى قورعانىس پەن شابۋىل جاساۋ جاتتىعۋلارىنا باعىتتالادى. كەزەكتى اۋە قورعانىس جاتتىعۋعا «Buk-M1» جانە «S-300P» جۇيەلەرى پايدالانىلادى. جاتتىعۋ تولىقتاي سوعىس جاعدايىنا ۇقساتىلعان»، – دەيدى.

ۋكراينانىڭ كەزەكتى اسكەري ارەكەتتەرى رەسەيدەن تونگەن اسكەري قىسىمعا قارسى جاۋاپ رەتىندە جاسالىپ جاتقانى بەلگىلى. ەكى ەل اراسىنداعى جانجالداردىڭ ۋشىعۋى اسكەري قاقتىعىستىڭ قاۋپىن باعان سايىن كۇشەيتۋدە.

“The Qazaq Times”