Foto: ria.ru

Wlıbritaniya Sırtqı ister ministriniñ orınbasarı Mark Fild qauımdar palatasında Resey ortaşa jäne az qaşıqtıqtağı zımırandardı joyu turalı şarttıñ bwzıluına bastı sebepker dep ayıptadı.

Times mälimetinşe, Britaniya ükimeti AQŞ-tıñ Halıqaralıq kelisimşarttan şığuına qoldau bildirip otır. Mark Fild Reseydi şart talaptarına qayşı keletin raketalardıñ äzirlenuine baylanıstı kezdesu ötkizgen kezde biraz ayğaqtan jaltarıp, özge memleketterdi AQŞ-qa qarsı qoyuğa tırıstı deydi. Fildtiñ oyınşa, atalğan şart öz uaqıtında «älemdegi strategiyalıq twraqtılıqqa eleuli üles qostı», biraq eki tarap ta şarttardı orındağan kezde joğarı körsetkiş bolatın edi.

Wlıbritaniyanıñ Reseymen qarım-qatınastağı senim deñgeyi qazir öte tömen, biraq eki el äli de qalıptasqan jağdaydı talqılamaq. Britaniya tarapı Resey prezidentin «NOVATOR 9M729» qanattı zımırandarın joyudı talap etti. Sebebi, AQŞ-tıñ şarttan uaqıtşa şığuına bastı sebep te osı. Al Britaniya Sırtqı ister ministri, leyborist Fabian Gamil'ton Resey tarapı «qauipti qaru-jaraqtardı joyu üşin zımıran kelisiminiñ ornın basatın jaña şart jasauğa mindetti», eger bwl şart jüzege aspasa NATO müşeleri men EO elderi AQŞ qabıldağan şeşimderdi birauızdan qoldaytının ayttı. 

Negizinen AQŞ pen Keñester odağı 1987 jılı zımıran kelisimine qol qoyğan bolatın. Kelisim boyınşa, qos tarap 300-den 3400 mil' qaşıqtaqqa deyin jerden wşırılatın ballistikalıq zımırandardı şığarmauğa uağdalasqan. Kelisimge sol kezdegi AQŞ prezidenti Ronal'd Reygan men Keñes Odağınıñ basşısı Mihail Gorbaçev qol qoyğan. Kelisim boyınşa, qos tarapqa 500 jäne 5,5 mıñ şaqırım qaşıqtıqqa wşatın ballistikalıq zımırandardı jasauğa tıyım salınğan. Bıltır qazanda AQŞ prezidenti Donal'd Tramp Reseymen aradağı zımıran kelisiminen şığatının aytqan bolatın. Tramptıñ sözinşe, resmi Mäskeu AQŞ-pen aradağı zımıran kelisiminiñ şarttırın orındap otırğan joq. 

"The Qazaq Times"