Astana qalasındağı mektepter men balabaqşalarda jwmıs isteytin mamandar arasında tuberkulez auruı örşip baradı. Bilim ordalarındağı mwnday keleñsizdik, jas jetkinşekterdiñ ömirine tım qauipti ekendigi belgili.

Elordağı da ornalasqan №33 balabaqşanıñ ağılşın tili päninen sabaq beretin wstaz 19 qañtar küni jötel dertine baylanıstı medicinalıq ortalıqqa jügingen. Alayda, 25 qañtar küni mwğalimniñ tuberkulez auruına şaldıqqandığın därigerler rastağan. Sonımen birge, atalğan wstaz  №44 balabaqşada da qosımşa jwmıs istegendigi belgili boldı.

Sonday-aq, №80 mekteptiñ bastauış sınıptarına ağılşın tilinen däris bergen mwğalimge de atalğan derttiñ jwqqandığı anıqtaldı.

Osığan baylanıstı Astana qalasındağı qoğamdıq densaulıq saqtau departamentiniñ basşısı Säduaqas Bayğabwlov Elordadağı oqiğa tirkelgen mektep pen balabaqşada prokuratura kezekten tıs tekseris jürgize bastağandığın mälimdegen.

2018 jılı balabaqşanıñ 4 qızmetkeri men mektepterden 8 wstaz tuberkulez auruına şaldıqqan.

Därigerlerdiñ aytuı boyınşa, mwnday jağdaydıñ bilim ordalarında jürui öte qauipti. Sebebi, immuniteti älsiz balalar birden dertke şaldığıp qaluı da ğajap emes. Sondıqtan, eñ alğaş barlıq bilim ordaları men balabaqşalardağı sanitarlıq jağdaydı baqılap, qızmetkerlerdi jii-jii tekseristen ötkizu turalı keñes beredi.

«Auırıp em izdegenşe, auırmaytın jol izde» demekşi, mwnıñ aldın almasa jağdaydıñ tım qiındap ketetindigi sözsiz. Bilim närimen susındanuğa attanğan jetkinşekterdiñ dertke şaldıqqandığı, qanday ata-anağa bolsa da auır tietindigi sözsiz.

"The Qazaq Times"