استانا قالاسىنداعى مەكتەپتەر مەن بالاباقشالاردا جۇمىس ىستەيتىن ماماندار اراسىندا تۋبەركۋلەز اۋرۋى ءورشىپ بارادى. ءبىلىم وردالارىنداعى مۇنداي كەلەڭسىزدىك، جاس جەتكىنشەكتەردىڭ ومىرىنە تىم قاۋىپتى ەكەندىگى بەلگىلى.

ەلورداعى دا ورنالاسقان №33 بالاباقشانىڭ اعىلشىن ءتىلى پانىنەن ساباق بەرەتىن ۇستاز 19 قاڭتار كۇنى جوتەل دەرتىنە بايلانىستى مەديتسينالىق ورتالىققا جۇگىنگەن. الايدا، 25 قاڭتار كۇنى مۇعالىمنىڭ تۋبەركۋلەز اۋرۋىنا شالدىققاندىعىن دارىگەرلەر راستاعان. سونىمەن بىرگە، اتالعان ۇستاز  №44 بالاباقشادا دا قوسىمشا جۇمىس ىستەگەندىگى بەلگىلى بولدى.

سونداي-اق، №80 مەكتەپتىڭ باستاۋىش سىنىپتارىنا اعىلشىن تىلىنەن ءدارىس بەرگەن مۇعالىمگە دە اتالعان دەرتتىڭ جۇققاندىعى انىقتالدى.

وسىعان بايلانىستى استانا قالاسىنداعى قوعامدىق دەنساۋلىق ساقتاۋ دەپارتامەنتىنىڭ باسشىسى سادۋاقاس بايعابۇلوۆ ەلورداداعى وقيعا تىركەلگەن مەكتەپ پەن بالاباقشادا پروكۋراتۋرا كەزەكتەن تىس تەكسەرىس جۇرگىزە باستاعاندىعىن مالىمدەگەن.

2018 جىلى بالاباقشانىڭ 4 قىزمەتكەرى مەن مەكتەپتەردەن 8 ۇستاز تۋبەركۋلەز اۋرۋىنا شالدىققان.

دارىگەرلەردىڭ ايتۋى بويىنشا، مۇنداي جاعدايدىڭ ءبىلىم وردالارىندا ءجۇرۋى وتە قاۋىپتى. سەبەبى، يممۋنيتەتى ءالسىز بالالار بىردەن دەرتكە شالدىعىپ قالۋى دا عاجاپ ەمەس. سوندىقتان، ەڭ العاش بارلىق ءبىلىم وردالارى مەن بالاباقشالارداعى سانيتارلىق جاعدايدى باقىلاپ، قىزمەتكەرلەردى ءجيى-ءجيى تەكسەرىستەن وتكىزۋ تۋرالى كەڭەس بەرەدى.

«اۋىرىپ ەم ىزدەگەنشە، اۋىرمايتىن جول ىزدە» دەمەكشى، مۇنىڭ الدىن الماسا جاعدايدىڭ تىم قيىنداپ كەتەتىندىگى ءسوزسىز. ءبىلىم نارىمەن سۋسىندانۋعا اتتانعان جەتكىنشەكتەردىڭ دەرتكە شالدىققاندىعى، قانداي اتا-اناعا بولسا دا اۋىر تيەتىندىگى ءسوزسىز.

"The Qazaq Times"