AQŞ biligi venesuelalıq PDVSA (Petroleos de Venezuela) mwnay-gaz kompaniyasına qarsı sankciya saluğa dayındaluda. Bwl turalı Aq Üyde ötken baspasöz-konferenciyası kezinde AQŞ prezidentiniñ wlttıq qauipsizdik jönindegi keñesşisi Jon Robert Bolton (John Robert Bolton) jäne qarjı ministrliginiñ basşısı Stiven Mnuçina habarladı.

Mnuçinanıñ sözinşe, atalğan sankciya PDVSA kompaniyasınıñ barlıq aktivterine şekteu qoymaq. Sonımen qatar, seriktestik tanıtqan özge de şet eldik kompaniyalardıñ arı qaray jwmıs jasauına tıyım salmaqşı.

Osıdan keyin, Jon Boltan Latın amerikasında bolıp jatqan oqiğağa baylanıstı Nikolas Maduro Vaşintonnıñ aldında öziniñ legitimdiligin joğaltqandığın habarladı. Bwdan bölek, Amerika Qwrama Ştattarı Venesuelanıñ uaqıtşa prezidenti Huan Guaidonı qoldaytındığın jetkizgen.

Esteriñizge sala keteyik, Karakastağı bilikke qarsı miting barısında Venesuelanıñ Wlttıq assambleya basşısı Huan Guaido özin uaqıtşa prezident retinde jariyalap, ant qabıldağan bolatın. Al, Guaidonı eñ alğaş prezident retinde moyındağan Donal'd Tramptıñ mälimdemesinen keyin, Nikolas Maduro AQŞ elimen barlıq qarım-qatınastıñ üzilgendigin aytıp, amerikanıñ Venesueladağı diplomatiyalıq ökilderine şekaradan şığıp ketu üşin 72 sağat uaqıt bergen.  .

Qazirgi tañda Nikolas Maduroğa Qıtay, Resey, Türkiya sındı memleketter qoldau bildirude. Sol sekildi Reseydiñ äskeri jasağı da mwhit asıp Venesuela mañına jinaldı.

2018 jıldıñ 20 mamırında Venesuelada kezekten tıs prezident saylauı ötti. Dauıs beru qorıtındısına say, Nikolas Maduro öziniñ prezidenttik lauazımın tağı da 6 jılğa wzartqan. Al, 2019 jıldıñ 10 qañtarınan bastap Maduronıñ jaña merzimi bastaluı tiis edi. Biraq, Latın Amerikasınıñ birneşe elderi men Kanada saylaudıñ halıqaralıq standartqa say ötpegendigin mälimdedi. Osıdan keyin Venesuelada halıq pen bilik arasındağı qaqtığıs orın aldı. 23 qañtar küni bastalğan narazılıq şeruden 20-dan astam Venesuela azamatı qaza tapqan.

"The Qazaq Times"