يوردانيا كورولى ابدۋللاح II. فوتو: Strategic Intelligence Service.

يرپلانيا كورولى يراكتىڭ كۇرد اۆتونومياسىنىڭ باسشىسى مەسۋت ءبارزانيدى قابىلدادى. بۇل تۋرالى اقپارات قۇرالدارى ءبارزانيدىڭ ينتەرنەتتەگى رەسمي پاراقشاسىنا سىلتەمە جاساي وتىرىپ حابارلاعان.

يوردانيا كورولى ابدۋللاح II مەن بارزاني يوردانيانىڭ ورتالىق قالاسى امماندا كەزدەسكەن. مالىمەتتەرگە قاراعاندا، يوردانيا كورولى مەن كۇرد اۆتونومياسىنىڭ باسشىسى ايماقتاعى جاڭا ساياسي جاعدايلاردى تالقىعا سالعان. وڭىردەگى قاۋىپسىزدىك پەن تۇراقتىلىق جانە دامۋ تاقىرىپتارىندا كەڭەسكەن.

كەزدەسۋدەن كەيىن تاراپتار تەرروريزمگە قارسى ورتاق كۇرەستى قولعا الاتىنىن مالىمدەگەن. كورول ابدۋللاح II مەن بارزاني اراسىنداعى كەزدەسۋگە يراكتىڭ بۇرىنعى ءسىم باسشىسى جانە قارجى ءمينيسترى حوشيار زەباري مەن يوردانيانىڭ تاق مۇراگەرى فەيسال يبن حۋسەين دە قاتىسقان.

يوردانيا كورولىنىڭ يراكتاعى كۇرد اۆتونومياسىنىڭ جەتەكشىسىن قابىلداۋىنا اقش مەملەكەتتىك حاتشىسى مايك پومپەونىڭ ايماقتاعى ساپارى تىكەلەي سەبەپ بولدى دەۋگە نەگىز بار. يراك، ءسۇريا جانە تۇركيا مەن يراننىڭ كەيبىر وڭىرلەرىندە جاساپ جاتقان 40 ميلليوننان استام كۇردتەر دەربەستىك جولىنداعى كۇرەستەرىن بارعان سايىن كۇشەيتىپ كەلەدى. سۇرياداعى كۇرد قارۋلى كۇشتەرى اقش-تىڭ دايش-كە قارسى وداقتاستارىنىڭ ءبىرى بولعان.  انىق مالىمدەمە جاساماعانىمەن، اقش-تىڭ وڭىردەگى قادامدارى كۇردتەردىڭ دەربەستىگىن بەلگىلى دارەجەدە قولدايتىنىن اڭعارتادى.

“The Qazaq Times”