Foto: https://sputniknews.kz

Prezident Qasım-Jomart Toqaev Qazaqstannıñ Singapur, Germaniya jäne Iordaniyadağı elşilerin qızmetinen bosatıp, diplomattardıñ ornına jaña elşiler tağayındadı.

Aq ordanıñ resmi saytında jariyalanğan jarlıqta: «Arken Arıstanov Qazaqstan Respublikasınıñ Singapur Respublikasındağı tötenşe jäne ökiletti elşisi qızmetine; Däuren Käripov Qazaqstan Respublikasınıñ Germaniya Federativtik Respublikasındağı tötenşe jäne ökiletti elşisi qızmetine; Aydarbek Twmatov Qazaqstan Respublikasınıñ Iordan Haşimittik Korol'digindegi tötenşe jäne ökiletti elşisi qızmetine tağayındaldı», – delingen.

Mälim bolğanday, arnayı jarlıqpen Üsen Äbdiqadırwlı Qazaqstan Respublikasınıñ Singapur Respublikasındağı tötenşe jäne ökiletti elşisi qızmetinen, Jaña Zelandiyadağı tötenşe jäne ökiletti elşi qızmetin qosa atqarudan;

Bolat Nüsipov Qazaqstan Respublikasınıñ Germaniya Federativtik Respublikasındağı tötenşe jäne ökiletti elşisi qızmetinen;

Azamat Berdibay Qazaqstan Respublikasınıñ Iordan Haşimittik Korol'digindegi tötenşe jäne ökiletti elşisi qızmetinen, Irak Respublikasındağı, Livan Respublikasındağı, Palestina Memleketindegi tötenşe jäne ökiletti elşi qızmetinen bosatıldı.

"The Qazaq Times"