Türkimenstan kitaphanası. foto: Trend.Az

Türkimenstan 2019 jıldıñ 1 qañtarınan bastap şet elge jöneltiletin kitaptarğa baqılaudı küşeytti. Endi şekaradan ötkiziletin ärbir kitap üşin Aşhabadtağı Wlttıq kitaphanadan «Wlttıq qwndılıqtar sanatına jatpaydı» degen anıqtama aluı tiis.

Bwğan deyin şet elderge 4 kitapqa deyin arnayı rwqsatsız jiberu mümkin bolğan. Endi jaña talaptarmen jwmıs istey bastağan «Türkimenpoşta» qızmeti ärbir azamattan anıqtama swrap otır.

Sonımen qatar, Türkimen Wlttıq kitaphanasınan rwqsat alu da qiınday tüsken. Arnayı saraptamadan ötkizilip 4-5 künnen keyin ğana jauabı şığadı. Bıltırğı jılğa deyin bir-eki sağatta poştağa salıp jöneltetin türkimen jwrtşılığı qazir bwl zañğa şağımdanuda.

2018 jıldıñ qaraşa ayında türkmenniñ resmi BAQ ökilderi Qwrbanqwl Berdimwhamedovtıñ kitaphanalardı damıtudı bastı talap retinde qoyğandığın mälimdegen bolatın. Osıdan keyin Türkimenstan basşısı öziniñ jeke kitaphanasındağı oqu qwraldarınıñ bir böligin Wlttıq kitaphanalarına bergeni de aytıldı.

Halıqaralıq sarapşılardıñ payımdauınşa, ğalamtordı bwğattap, halıqtıñ zaman ağımına say ömir süruin bayaulatıp otırğan Türkimen biligi, endi şet el asqan azamattarına kitap jöneltuge tosqauıl qoyu üstinde deydi. Sonımen birge, ärbir kitap üşin Türkimen Wlttıq kitaphanasınan anıqtama alu bir küni twrğındardı da mezi qılıp jiberui äbden mümkin deydi.

"The Qazaq Times"