Sil'vio Berluskoni foto: tass.ru

Italiyanıñ bwrınğı prem'er-ministri Sil'vio Berluskoni 2019 jılı ötetin Europarlament saylauına qatısatındığın mälimdedi.

«Özimniñ qartayğan jasıma qaramastan Europarlamentke barıp, ülken jauapkerşilikti öz moynıma alu turalı şeşim qabıldadım. Sebebi, däl qazir onda älem turalı tereñ oylau jetispeydi». Mwnday kütpegen şeşimdi 82 jastağı sayasatker Sardiniya aralındağı Kuarutu jiınında aşıq ayttı.

Sol sekildi eks-prem'er Italiyanıñ qazirgi biligine sın aytıp, orındarın auıstıru qajet ekendigin de jetkizdi.

«Alğa, Italiya» partiyasın basqarğan Berluskoni «5 jwldızdı qozğalıs» ökilderi 1994 jılğı kommunister sekildi jwmıs atqarıp otırğandığın tilge tiek etken.

Esteriñizge sala keteyik, wzaq jıldan beri sayasi lauazımdarda qızmet jasağan Sil'vio Berluskoni 2013 jılı öziniñ qarjı jımqıru oqiğalarına qatısı bar ekendigin moyındağan. Europa sotı atalğan azamattı 2019 jılğa deyin türli saylaularğa qatısu erkinen ayırıp, köpşilik lauazımdarda otıruına tıyım salğan bolatın.

"The Qazaq Times"