Foto: cdn.asiancorrespondent.com

M'yanma sotı 7 jılğa bas bostandığınan ayırılğan «Reuters» agenttigi jurnalisteriniñ apellyaciyalıq arızın qabıldaudan bas tarttı.

Sottıñ pikirinşe, jurnalisterdiñ advokatı naqtı dälelder wsınbağan. Sol sebepti qos tilşiniñ isi qayta qaralmaydı. Endi tilşiler Neyp'ido qalasında ornalasqan Joğarı sotqa apelyaicyalıq şağım tüsirmek.

Bwğan qatıstı «Reuters» agenttiginiñ bas redaktorı Stiven Adler: «Sottıñ şeşimi sol el biliginiñ qanday ädiletsiz jäne erkindigi joq ekendigin körsetti. Bwl qaulı kezekti ädiletsizdiktiñ ayqın däleli. Reportaj jasau eşqaşan da qılmıs jasadı degendi bildirmeydi. M'yanma biligi şındıq izdegen tilşilerdiñ közin joyğısı keledi», – deydi. Al M'yanmadağı EO elşisi Kristin Şmidt: «M'yanma sotınıñ bwl äreketi dwrıs emes. Apellyaciyanı qabıldap, jurnalisterdi bosatu arqılı öz qatelikterin moyındauı tiis edi. Al bwlar, kerisinşe, M'yanmada söz bostandığı joq ekenin tağı bir märte däleldedi».

Va Lon men K'ya – M'yanmadağı rohindja mwsılmandarına qatıstı zorlıq-zombılıqtı zertteumen aynalısqan «Reuters» agenttiginiñ tilşileri. Olar Rakhayn ştatındağı jantürşigerlik jağday men rohindja mwsılmandarı körgen qorlıq turalı materialdar jariyalap kelgen. Sonday-aq biliktegi ädiletsizdikterdi aşıq aytıp, zerttegen. 2018 jılı qırküyekte M'yanma sotı qos tilşige rohindja mwsılmandarı turalı materialdarmen jwmıs isteu kezinde memlekettik qwpiya turalı zañdı bwzdı dep, 7 jılğa bas bostandığınan ayıru turalı ükim şığardı. Jaqında amerikalıq Time jurnalı qos tilşini «Jıl adamı» atağına layıqtı dep tanıdı.

"The Qazaq Times"