Paşinyan Qarağandıdağı oqiğağa qatıstı resmi mälimdeme jasadı

Armeniya prem'er-ministri mindetin atqaruşı Nikol Paşinyan Qarağandıdağı oqiğağa qatıstı resmi mälimdeme jasadı.

Paşinyan öz sözinde: «Marqwmnıñ jaqındarına köñil aytamın. Bwl oqiğada wltaralıq qaqtığıs boldı dey almaymın. Sebebi, töbeleskender bir ğana emes, är wlttıñ ökili bolğan. Olardıñ arasında qazaq ta bolğan. Sondıqtan da bwl töbeleste wltaralıq arazdıqtıñ bolmağanın tağı da qaytalaymın» –dedi. Sonday-aq Paşinyan Armeniya basılımdarı atalğan oqiğağa baylanıstı aqparat taratqanda barlıq faktini jiti tekseru turalı eskertu ayttı.

7 jeltoqsanda Armeniya deputatı Qarağandıda orın alğan jaytqa qatıstı resmi mälimdeme jasap, Qazaqstannıñ Armeniyadağı elşisin tüsinikteme beruge şaqırdı.

Esteriñizge sala keteyik, 1 qañtar Qarağandı qalasındağı «Ejelgi Rim» meyramhanasında armyan etnosı ökilderi men qazaqtar arasında bolğan kikiljiñ saldarınan bir adam köz jwmıp, üş adam jaraqat alğan. Keyinnen osı oqiğağa qatısı bar 8 adam wstalıp, negizgi küdikti Narek Gururyanğa halıqaralıq izdeu jariyalanğan. Oqiğadan soñ 6 qañtarda Qarağandıda jüzdegen adam bilikten kinälilerdi tabudı talap etti.

"The Qazaq Times"