پاشينيان قاراعاندىداعى وقيعاعا قاتىستى رەسمي مالىمدەمە جاسادى

ارمەنيا پرەمەر-ءمينيسترى مىندەتىن اتقارۋشى نيكول پاشينيان قاراعاندىداعى وقيعاعا قاتىستى رەسمي مالىمدەمە جاسادى.

پاشينيان ءوز سوزىندە: «مارقۇمنىڭ جاقىندارىنا كوڭىل ايتامىن. بۇل وقيعادا ۇلتارالىق قاقتىعىس بولدى دەي المايمىن. سەبەبى، توبەلەسكەندەر ءبىر عانا ەمەس، ءار ۇلتتىڭ وكىلى بولعان. ولاردىڭ اراسىندا قازاق تا بولعان. سوندىقتان دا بۇل توبەلەستە ۇلتارالىق ارازدىقتىڭ بولماعانىن تاعى دا قايتالايمىن» –دەدى. سونداي-اق پاشينيان ارمەنيا باسىلىمدارى اتالعان وقيعاعا بايلانىستى اقپارات تاراتقاندا بارلىق فاكتىنى ءجىتى تەكسەرۋ تۋرالى ەسكەرتۋ ايتتى.

7 جەلتوقساندا ارمەنيا دەپۋتاتى قاراعاندىدا ورىن العان جايتقا قاتىستى رەسمي مالىمدەمە جاساپ، قازاقستاننىڭ ارمەنياداعى ەلشىسىن تۇسىنىكتەمە بەرۋگە شاقىردى.

ەستەرىڭىزگە سالا كەتەيىك، 1 قاڭتار قاراعاندى قالاسىنداعى «ەجەلگى ريم» مەيرامحاناسىندا ارميان ەتنوسى وكىلدەرى مەن قازاقتار اراسىندا بولعان كيكىلجىڭ سالدارىنان ءبىر ادام كوز جۇمىپ، ءۇش ادام جاراقات العان. كەيىننەن وسى وقيعاعا قاتىسى بار 8 ادام ۇستالىپ، نەگىزگى كۇدىكتى نارەك گۋرۋريانعا حالىقارالىق ىزدەۋ جاريالانعان. وقيعادان سوڭ 6 قاڭتاردا قاراعاندىدا جۇزدەگەن ادام بيلىكتەن كىنالىلەردى تابۋدى تالاپ ەتتى.

"The Qazaq Times"