ساۋديا تاق مۇراگەرىن سىنعا العان امەريكالىق تەلەشوۋ بۇعاتتالدى

امەريكاداعى ويىن-ساۋىقتىق "Netflix" ونلاين-كومپانياسى ساۋد ارابياسىنا تارايتىن ساتيرالىق تەلە شوۋدى بۇعاتتادى. «حاسان مينحاجبەن بىرگە پاتريوتتىق اكت» دەپ اتالاتىن باعدارلاما ساۋد كارولدىگىنىڭ شاعىمىنان كەيىن كورەرمەن كوزىنەن تاسا بولعان.

اتالعان باعدارلامادا جۇرگىزۋشى حاسان مينحاج جۋرناليست جامال حاشوگگيدىڭ ولىمىنە قاتىستى ارابيانىڭ تاق مۇراگەرى مۇحاممەد بين سالماندى سىنعا العان. بۇل جاعدايعا شامدانعان ساۋديا كارولدىگى وزدەرىنىڭ ۋاجدەرىن ايتىپ، ونلاين ارنانىڭ ەر-رياد اۋماعىندا كورسەتىلمەۋىنە قول جەتكىزدى.

ال، مۇنداي مالىمدەگە ءوز پىكىرىن بىلدىرگەن حاسان مينحاج: «تەز ارادا ۋشىققان ءجۋرناليستىڭ قازاسىنا بايلانىستى «ۋاشينگتون پوست» باسىلىمى تاق مۇراگەرىنىڭ بەينەسىن رەفورماتور رەتىندە كورسەتكەن. الايدا، مەنىڭ ويىمشا، تاق مۇراگەرى شىن مانىندە رەفورماتور ەمەس. بۇل مەنىڭ مۇسىلمان جانە امەريكالىق رەتىندەگى كوزقاراسىم»، دەپ جەتكىزدى.

بۇدان بولەك، ونلاين-كومپانيانىڭ بۇعاتتالۋىن حالىقارالىق قوعامدىق قۇقىقتاردى قورعايتىن ۇيىمنىڭ وكىلى سارا ليا ۋيتسون بىردەن سىنعا الىپ، «Netflix» كومپانياسىنىڭ شىعارماشىلىق ەركىندىگى تۇككە تۇرعىسىز ەكەندىگىن تۋيتتەر پاراقشاسىندا جاريالادى. ونىڭ ويىنشا، ءاربىر شەنەۋنىكتىڭ تالابىنا باس ۇرىپ، جۋرناليستەردىڭ جۇمىسىنا كەدەرگى جاساۋ، دەموكراتيالىق ەلدەگى تاۋەلدىلىكتىڭ بەلگىسى ەكەندىگىن اتاپ كورسەتكەن.

"The Qazaq Times"