Foto: cdn.news-front.info

AQŞ pen Izrail' resmi türde YUNESKO qwramınan şıqtı. Bwl turalı cdn.news habarladı.

Endi qos memleket te YUNESKO-ğa jarna tölemeydi jäne wyım komitetine saylana almaydı. Biraq, bwl seriktestikke nükte qoyıldı degen söz emes. AQŞ wyımda twraqtı baqılauşı retinde qaludı josparlap otır.

2011 jıldan YUNESKO qwramına Palestina avtonomiyası qabıldanğannan bastap AQŞ pen Izrail' wyımnıñ bwl äreketine tübegeyli qarsılıq bildirgen. Resmi Uaşington YUNESKO-nı «Izrail'ge qarsı bağıt wstanadı» dep ayıptap, 2017 jılı wyım qwramınan şığatının jariyalağan bolatın. Al Izrail' YUNESKO Palestinanı qoldauşı dep birneşe märte ayıp taqtı.

1945 jıldan beri jwmıs isteytin YUNESKO – BWW-nıñ bilim ğılım, mädeniet jäne bilim beru salasın qadağalaytın wyım.

"The Qazaq Times"