Kabuldağı terrorlıq şabuıl. Foto; Anadolı.

Auğanstannıñ astanası Kabul qalasında ükimet ğimaratına jasalğan terrorlıq şabuıldan 29 adam qaza tauıp, 23 adam jaraqat aldı.

Auğanstan İşki ister ministrligi taratqan mälimetke qarağanda, terrorlıq şabuıl jarılğış tielgen kölik arqılı jasalğan. Jarılıstan keyin qarulı sodırlar ğimaratqa basıp kirgen. Qauipsizdik qızmetkerleri üş sodırdı öltirgen jäne ğimarattağı 357 adamdı qauipsiz jerge jetkizgen.

Aqparat közderiniñ mälimdeuinşe, ükimet ğimaratınıñ işinde de terrorlıq toptıñ jaqtastarı bolğan. Qauipsizdik küşteri men qarulı sodırlar arasında atıs kezinde ğimarat işinde ört şıqqan. Onımen qosa sodırlar ğimarat işinde tağı birneşe ret jarılıs jasağan.

Soñğı kezderi, Auğanstan ükimetinde jäne ükimetke qarastı qarulı küşterdiñ arasında Taliban wyımınıñ jaqtastarı bar ekeni belgili boluda. Ükimet küşteriniñ arasındağı terrorlıq wyımnıñ jaqtastarı jağınan jasalğan şabuıldardan jüzge tarta adam qaza bolğan.

“The Qazaq Times”