Foto: wp-content

Franciya tärtip saqşıları ereuilge şıqtı.

Jüzge juıq tärtip saqşıları bilikten jwmıs jağdayın jaqsartıp, aylıqtıñ ösuin talap etken. Narazılıq şarası jappay şeruge wlaspas üşin Franciya İşki ister ministrligi qızmetkerlerdiñ jalaqısın arttıruğa kelisti. Aldağı uaqıtta qarjılandıru zañına özgerister engizilmek.

Soñğı jıldarı Franciyada halıq narazılığı jii orın alıp keledi. Biıl qazanda el prezidenti Emmanuel' Makronnıñ zeynetaqı reformasına narazılıq bildirgen mıñdağan zeynetker Parij mañında ereuil wyımdastırğan bolatın. Zeynetkerler jalaqı men zeynetaqığa salınatın salıqtıñ ösuine qarsılıq bildirdi. Al jeltoqsannıñ basında «sarı jeydeliler» ereuili bastaldı. Bwl şara danarmay akcizin köteruge baylanıstı wyımdastırıldı. Alğaşqı kezde janarmayğa salıqtı ösiruge qarsı bolğan şeruşiler endi ükimettiñ otstavkağa ketuin talap etti.

Foto: cdn

Halıq tolquın basu üşin Franciya ükimeti janarmay salığın aldağı jıldarı kötermeytinin aytqan bolatın. Osığan baylanıstı Franciya prezidenti Emmanuel' Makron salıqtı ösiruge 6 ayğa deyin şekteu engizip, gaz ben elektr energiyası bağasın ösiruge de uaqıtşa tıyım salu turalı şeşim şığardı. Sonday-aq Makron 2019 jıldan bastap Franciya ekonomikası bwrınğıdan nığayıp, jwmıs beruşilerge jıl soñında qızmetkerlerige sıyaqı töleudi mindettep, zeynetkerler men azamattarğa qosımşa tabıs salığın alıp tastaytının mälimdedi. Teleköpir arqılı halıqqa tikeley ündeu joldağan Makron qazirgi jağdaydıñ endi qaytalanbaytınına, bilik halıqtıñ mwñ-mwqtajına bey-jay qaramaytının da ayttı. Alayda, sarılar bwl şeşimge tağı da qarsılıq bildirip, kezekti märte auqımdı şeru wyımdastırdı. Bir ayğa sozılğan ereuil el qazınasına köp mölşerde şığın äkelip, turisterdiñ legi bäseñdegen. Franciya ükimetiniñ aqparatı boyınşa, jalpı el köleminde şeruge qatısuşılardıñ sanı 36 mıñ adamğa jetken.

"The Qazaq Times"