AQŞ-tıñ Iran jönindegi arnayı ökili Brayan Huk. Foto: thepeninsulaqatar.com

AQŞ Europalıq Odaqqa Iranğa qarsı sankciya engizu turalı wsınıs ayttı.

Uaşington tarapı Irannıñ zımıran sınağın ötkizuine jäne yadrolıq qaruğa qatıstı şarttı bwzuına baylanıstı qatañ qaulı engizu kerek deydi. Sebebi, bwl zımırandar qorğanıs emes, memleketter arasındağı qaqtığıstar men şabuıldauğa arnalğan. AQŞ-tıñ Iran isi jönindegi arnayı ökili Brayan Huk: «Basqa elder Iranmen yadrolıq kelisimdi orınday beruge erikti. Özge memleketter men wyımdardı Tehranğa qarsı sankciya saluğa şaqıru qiın. Degenmen, bwl qwjat Irannan töngen özge qauipterge jauap bermeydi. Tek ballistikalıq zımırandardı sınaqtan ötkizuine qarsı twru kerek», – dedi.

Tehrannıñ BWW Qauipsizdik keñesiniñ qararına qayşı äreketterine Qwrama Ştattarı ğana emes, Franciya da alañdauşılıq bildirdi. Biraq, Iran bwl ayıptardı joqqa şığarıp, sınaqtardı toqtatpaytının ayttı.

"The Qazaq Times"