foto: parstoday.com

Kanada biligi jurnalist Jamal Haşoggidiñ ölimine qatısı bar degen 17 adamğa sankciya jariyaladı. Bwl turalı Kanadanıñ Sırtqı İster Departamenti mälimdep otır.

Onda « Atalğan sankciya jurnalist Jamal Haşoggidiñ ölimine tikeley qatısı bar adamdarğa arnaladı» delingen. Sonday-aq, qwjatqa säykes barlıq kinäli azamattardıñ Kanada elindegi aktivteri toqtatılıp, Saud Arabiyasınıñ şekarasınan şığuına tıyım salınğan.

Qazan ayında Stambuldağı Saud Arabiyasınıñ konsuldığına kirgen Jamal Haşoggidiñ öli denesi arada birneşe kün ötkennen keyin bir-aq tabıldı. Tergeu jwmıstarına süyensek, jurnalistti ğimaratqa kirgennen keyin birden buındırıp öltirip, denesin bölşektep tastağan. Sol sekildi mwnıñ aldın ala josparlanğan qılmıs ekendigi de anıqtalıp otır. Qazirgi tañda bwl iske qatısı bar degen 18 Saud Arabiyasınıñ şeneunigi qamauğa alındı.  Bwdan bölek, taq mwrageri Mwhammed bin Salmannıñ da atalğan oqiğağa tikeley qatısı bar ekendigi de tekserilude.

Däl osı jañalıqtan keyin birneşe el Saud Arabiyasına qaru tasmalın toqtatıp, türli sankciyalar engizudi közdep otır.

AQŞ prezidenti Donal'd Tramp taq mwrageriniñ bwl iske qatısı joq ekendigin mälimdegen bolatın. Alayda, Respublikaşıl-senatorlar CRU-dıñ mälimdemesin kütude. Olardıñ oyınşa, Aq üy Er-Riyadpen aradağı ekonomikalıq baylanıstı üzgisi kelmey otır. Biraq, CRU basşısınıñ mälimdemesinen keyin AQŞ tarapınan da Er-Riyadqa qarsı sankciya salınuı mümkin.

"The Qazaq Times"