Lavrov Kievpen aradağı jağdayğa baylanıstı Batıs elderin ayıptadı

Azov mañındağı jağday şielenisip baradı. Bwl oqiğağa qatıstı Resey SİM Sergey Lavrov Batıs elderin ayıptadı.  

BWW-nıñ qauipsizdik keñesi şwğıl kezdesu ötkizip, eki el arasındağı mäseleni talqılaytın boldı. Resey Sırtqı ister ministri Sergey Lavrov bwl oqiğanı «Ukraina tarapınan jasalıp otırğan arandatuşılıq äreket. Sol sebepti Kievti jäne osı iske itermelep otırğan Batıs elderin ornına qoyu kerek» – degen mälimdeme jasadı. Qanşa degenmen Mäskeu öz kinäsizdigin aytıp, boy bermey otırğanmen, Europalıq Odaq qwramındağı memleketter Reseydi qatañ sınğa aldı. Olar Resey tarapınan teñizdegi kemelerdiñ erkin qozğalısın qayta qalpına keltirudi talap etip otır.

Ayta keteyik, 25 qaraşada Ukrainanıñ wlttıq qauipsizdik jäne qorğanıs qızmeti elde soğıs jağdayın engizudi wsınğan bolatın. Oğan Reseydiñ arnayı barlau qızmeti  Ukrainanıñ äskeri teñiz küşteriniñ üş kemesin basıp alıp, soqqı jasağanı sebep boldı. Mwnımen qosa Resey Qara teñizde Ukraina kemelerine oq atqan. Saldarınan Ukraina teñiz äskeri küşiniñ birneşe äskeri jaraqattandı.

"The Qazaq Times"