London foto: Life.ru

Wlıbritaniya öziniñ EO seriktesterimen birge adam qwqığınıñ taptaluına baylanıstı Er-Riyadqa jaña sankciya saludıñ mümkindikterin qarastırıp otır. Onıñ eñ bastı sebebi saudiyalıq jurnalist Jamal Haşoggidiñ ayuandıqpen qaza tabuı. Bwl turalı britaniyanıñ sırtı ister ministrligi habarladı. 

Qwjatta körsetilgendey London öziniñ naqtı bağıtında qalıp, Haşoggi qazasına qatısı barlardıñ ädiletti jazağa tartıluın közdep otır.

«Wlıbritaniya jäne onıñ seriktesteriniñ kelesi qadamı Saud Arabiyasınıñ soñğı sözine baylanıstı bolmaq. Biz mwnday oqiğanıñ bolaşaqta qaytalanbauına senimdi boluımız kerek. Qazirgi tañda Euro Odaqtağı seriktesterimizben barlıq mümkindikterdi qarastırıp, Er-Riyadtıñ adam qwqığın jabayılıqpen bwzğandığı üşin jahandıq sankciya saludı közdep otırmız», dep britaniyanıñ sırtqı ister ministrliginiñ mälimdemesinde jazılğan.

Sol sekildi mälimdemede Wlıbritaniya öziniñ soñğı şeşimin Haşoggi isi ayaqtalğannan keyin biraq qabıldaytındığı da eskertilgen.

Esteriñizge sala keteyik, Jamal Haşoggi 2 qazanda Istambwldağı Saud Arabiya konsuldığında izim-ğayım joğalıp ketken. Birneşe künnen soñ marqwmnıñ dene bölşekteri qala mañınan tabıldı. Ötken aptada Saud Arabiyası Haşoggidi konsuldıqta «qılqındırıp öltirgenin» moyındap, halıqaralıq qauımdastıqtıñ qatañ sınına wşıradı. Bwl tarap «Haşoggi isine» qatısı bar on segiz adamdı twtqınğa aldı jäne joğarı şendi bes keñesşini lauazımınan ayırdı. Sonday-aq, taq mwrageri Mwhammed Salmannıñ da orının bosatuı äbden mümkin.

"The Qazaq Times"