AQŞ Bruney äskeri jattığuı. Foto: USA.Navy

AQŞ teñiz flotı men Bruney Korol'dik teñiz flotı ötken aptada Oñtüstik Qıtay teñizinde birlesken äskeri oqu-jattığulardı ötkizdi. Sonday-aq, bwl jattığudı «Kala» birlesken teñiz soğıs dayındığı men jattığuı» dep atadı. Jattığuğa eki eldiñ teñiz flotına qarastı jıldam qozğalatın barlau kemeleri jäne P-8A Poseidon teñiz patrul'dik wşağın qamtığan äskeri tehnikaları tartıldı.

Bruney Oñtüstik Qıtay teñizinde territoriyalıq dau-damayda bäsi bar 6 memlekettiñ biri. Özge daugerler qatarına Tayuan (Tayvan'), Qıtay, Malayziya, Filippin jäne V'etnam kiredi.

AQŞ teñiz küşteriniñ Ündi-Tınıq mwhit qolbasşılıq bas ştabı taratqan mälimetke qarağanda, kezekti jattığu eki el kemelerin soğıs jağdayında su üstinde ornalastıru, teñiz aydınındağı patrul'dik wşaqtar men baqılau jäne qorğanu apparattarınıñ mümkindigin arttıru, sonday-aq, birlese şabuıldau jäne äue şabuıldarına jauap beru maqsattarında ötken.

Qwrama Ştattar men Bruney teñiz qorğanıs ıntımaqtastığında 40 jıldıq senimdi serikter. AQŞ qorğanıs ökilderi teñiz qauipsizdigi men öñir twraqtılığı üşin Bruney teñiz küşterimen birlese jwmıs isteytinin aytqan.

«Kala teñiz jattığuınan» tıs, basqa da eki jaqtı jäne auıspalı teñiz jattığularına qatısadı. Aytalıq, «17-şi kezekti Oñtüstik Şığıs jattığuı», «26-ş kezekti Tınıq mwhit äskeri oqu-jattığuı».   Al, tamız ayında AQŞ pen Bruney alğaş ret ekijaqtı äskeri jattığu ötkizgen edi.

“The Qazaq Times”