Foto: www.bbc.com

AQŞ prezidenti Donal'd Tramp 2016 jılğı saylau isin tergeumen aynalısatın arnayı prokuror Robert Myullerdiñ swraqtarına jauap berdi.

Robert Myuller 2017 jıldan bastap Donal'd Tramptıñ saylau ştabı men reseylik bilik arasındağı kelisimdi zertteumen aynalısıp keledi. Onıñ oyınşa, prezident saylauı ädiletsiz ötken. Al Tramp üşin Myullerdiñ saualdarına jauap beru mülde qiındıq tuğızğan joq jäne ol prokurordıñ äreketin «şaytan aulau» dep atadı.

Beysenbi küni Tramp öziniñ Twitter paraqşasında «Myuller – janjal tuğızudı janı süyetin adam, al tergeu – negizsiz jäne tükke twrğısız. Osı tergeuge atsalısıp jatqandar bizdiñ wlttı wyatqa qaldıruşılar!» –dep jazdı. Onıñ oyınşa, osı iske qatıstı swraq qoyğan adamdardıñ aram piğılı boluı mümkin. Bwğan deyin Aq üyde ötken baspasöz mäslihatında Tramp: «Tergeuge salınğan milliondağan, milliardtağan dollarlar kökke wştı. Men tergeuşilerdiñ şalıs basqanına senimdimin, sebebi olar şaytan aulağıştar» – degen bolatın.

Bwğan deyin «Washington Post» basılımına Aq üy basşısınıñ prokurorı Rudi Djuliani prezident saylauğa qatıstı swraqtar «paydasız, özekti emes jäne arnayı twzaq» bolğandıqtan, jauap bermeytinin aytqan.

"The Qazaq Times"