AQŞ Saud Arabiyasına sankciya engizdi

AQŞ Yemendegi qarulı qaqtığıs pen jurnalist Jamal Haşoggidiñ ölimine qatıstı Saud Arabiyasına qarsı sankciya engizdi.

Qwrama Ştattarınıñ senat kongresi müşeleri Saud Arabiyasına qaru-jaraq satudı uaqıtşa toqtatu turalı jaña zañ jobasın wsındı. Qatañ qaulı tizimine barlığı on jeti adam, olardıñ qatarında Saud Arabiyasınıñ Stambuldağı bas konsulı, barlau qızmetiniñ polkovnigi jäne taq mwrageri Mwhammed ibn Salmannıñ keñesşisi bar. «Magnittik jahandıq zañ» ayasında salınğan sankciyalar boyınşa qarjılıq şekteuge ilingen adamdarğa AQŞ-pen ekonomikalıq baylanıs ornatuğa jäne şekaradan ötuge qatañ tıyım salınadı.

Osığan deyin AQŞ sankciyası saudiyalıq tilşi ölimin wyımdastırdı dep tanılğan on bir küdiktiniñ beseui ölim jazasına kesiletinin aytqan. Aq üy basşısı Donal'd Tramp: «Haşoggidiñ ölimi Saud Arabiyasınıñ bedeline nwqsan keltirdi. Saud Arabiyasınıñ hanzadasımen habarlasqanımda, ol bwl iske eş qatısı joq ekenin ayttı. Demek, oğan basqa adamdar jauaptı. Tergeu isi äli de jalğasıp jatır. Mindetti türde tiisti şara qoldanıladı. Köp wzamay naqtı aqparata kol jetkizemiz» – degen bolatın. Al Saud Arabiyasınıñ taq mwrageri Mwhammed bin Salman jurnalist Jamal Haşoggidiñ ölimin «jantürşigerlik qılmıs» dep, tergeuden soñ kinälilerdiñ zañ aldında jauapqa tartılatınına uäde berdi. Biraq, Türkiya prezidenti Rejep Tayıp Erdoğan 23 qazanda Saud Arabiyasınıñ biligi Haşoggidi qasaqana jäne aldın ala josparlap öltirgenin mälimdegen.

"The Qazaq Times"