Foto: sharij.net

Uaşingtonda sankciya salınuı tiis «Putin tizimi» jariyalandı.

Tizimdi reseylik «Erkin Resey» oppoziciyalıq komiteti wsınğan. Qwjatta birinşi kezekte Vladimir Putinniñ atı-jöni ataladı. Sonımen qatar, 200-den astam jeke jäne zañdı twlğa engizilgen. Olardıñ qatarında Reseydiñ joğarı lauazımdı şendileri, käsipkerler, Mäskeu baqılaytın separatistik qwrılımdar, «Putinniñ jaqındarı» jäne Kreml'diñ astırtın äreketterin jüzege asıratın «şeteldik agentter» bar. Oppoziciyalıq toptıñ aytuınşa, atalğan qwjat «V.Putin men onıñ jandayşaptarına ädil jaza belgilep», Resey men halıqaralıq sayasattağı özekti mäseleler jäne eldiñ sayasi äri ekonomikalıq dağdarıstan şığu joldarın retteu üşin AQŞ-qa tapsırılğan.

Resey oppoziciyasınıñ täuelsiz pikir almasu alañına aynalğan «Erkin Resey» komiteti sayasi mäselelerdi şeşu maqsatında eki jıl qatarınan Vilbnyuste bes forum wyımdastırğan. Endi osı aptada wyımnıñ jauaptı hatşısı Ivan Tyutrin, sayasatker Andrey Sidel'nikov, Mark Feygin bastağan top AQŞ-tıñ birneşe vedomstvosında kezdesu ötkizbek. Bwl jolğı forum Uaşinngtonnıñ Mäskeuge qarsı sankciyaların qataytuı mümkin.

"The Qazaq Times"