رەسەي وپپوزيتسياسى ۋاشينگتوندا «پۋتين ءتىزىمىن» جاريالادى

ۋاشينگتوندا سانكتسيا سالىنۋى ءتيىس «پۋتين ءتىزىمى» جاريالاندى.

ءتىزىمدى رەسەيلىك «ەركىن رەسەي» وپپوزيتسيالىق كوميتەتى ۇسىنعان. قۇجاتتا ءبىرىنشى كەزەكتە ۆلاديمير ءپۋتيننىڭ اتى-ءجونى اتالادى. سونىمەن قاتار، 200-دەن استام جەكە جانە زاڭدى تۇلعا ەنگىزىلگەن. ولاردىڭ قاتارىندا رەسەيدىڭ جوعارى لاۋازىمدى شەندىلەرى، كاسىپكەرلەر، ماسكەۋ باقىلايتىن سەپاراتيستىك قۇرىلىمدار، «ءپۋتيننىڭ جاقىندارى» جانە كرەملدىڭ استىرتىن ارەكەتتەرىن جۇزەگە اسىراتىن «شەتەلدىك اگەنتتەر» بار. وپپوزيتسيالىق توپتىڭ ايتۋىنشا، اتالعان قۇجات «ۆ.پۋتين مەن ونىڭ جاندايشاپتارىنا ءادىل جازا بەلگىلەپ»، رەسەي مەن حالىقارالىق ساياساتتاعى وزەكتى ماسەلەلەر جانە ەلدىڭ ساياسي ءارى ەكونوميكالىق داعدارىستان شىعۋ جولدارىن رەتتەۋ ءۇشىن اقش-قا تاپسىرىلعان.

رەسەي وپپوزيتسياسىنىڭ تاۋەلسىز پىكىر الماسۋ الاڭىنا اينالعان «ەركىن رەسەي» كوميتەتى ساياسي ماسەلەلەردى شەشۋ ماقساتىندا ەكى جىل قاتارىنان ۆيلبنيۋستە بەس فورۋم ۇيىمداستىرعان. ەندى وسى اپتادا ۇيىمنىڭ جاۋاپتى حاتشىسى يۆان تيۋترين، ساياساتكەر اندرەي سيدەلنيكوۆ، مارك فەيگين باستاعان توپ اقش-تىڭ بىرنەشە ۆەدومستۆوسىندا كەزدەسۋ وتكىزبەك. بۇل جولعى فورۋم ۋاشيننگتوننىڭ ماسكەۋگە قارسى سانكتسيالارىن قاتايتۋى مۇمكىن.

"The Qazaq Times"