CNN telearnası Donal'd Tramptı sotqa berdi

CNN telearnası Aq üydegi tilşisi Djim Akostıñ akkredeticiyasın qalpına keltirudi talap etude.  

12 qaraşa küni AQŞ-tıñ Vaşington aymağındağı Kolumbiya okrugine qaraytın sotqa Djim Akostıñ Aq üyge kiruine mümkindik beretin akkreditaciyanı qalpına keltiru turalı şağım tüsken. Qazirgi tañda bwl iske qatıstı altı adamnıñ esimi jazılğan. AQŞ prezidenti Donal'd Tramp, ştab basşısı Djon Kelli, baspasöz hatşısı Sara Sanders, ştab basşısınıñ orınbasarı Bill Şin jäne qwpiya qızmet direktorı Rendol'f Alles pen Akosttı toqtatqan qwpiya qızmet oficeriniñ esimi bar.

Bwl isten keyin Sara Sanders Aq üy äkimşiligi özderin tolıqtay qorğap şığuğa dayın ekendigin de mälimdegen bolatın.

Esteriñizge sala keteyik, Djim Akostqa prezidenttik baspasöz-konferenciyasınan keyin akreditaciya beruden bas tartqan bolatın. Sebebi, CNN telearnasınıñ jurnalisi eñ alğaş migranttar turalı swraq qoyıp, keyinnen AQŞ-tağı prezidenttik saylau kezinde Reseydiñ röli turalı taqırıptı qozğağan. Alayda, jurnalisti orta joldan toqtatqan Tramp: «Sizderdiñ olarğa jwmıs istegenderiñiz üşin, CNN-ge wyattı», dep kesip aytqan bolatın.

Sonımen birge, Aq üy jurnalisi äriptesterine sıylastıq tanıtpay, mikrofondı beruden bas tartqandığı üşin  ayıp tağıp otır.

"The Qazaq Times"