foto: sputniknews.kz

Biraz uaqıt bwrın Qauipsizdik keñes otırısında prezident Nazarbaev kommunaldıq qızmet türleriniñ bağası qımbat ekendigin aytıp, şendilerdiñ jwmısına biraz sın ayttı. Osıdan keyin tez arada iske köşken atqaminerler biraz oblıstıñ monopolisterine ayıppwl salıp, bağanı baqılauda wstaytındarın mälimdedi. 

Birinşi jeltoqsanınan bastap tarifter bağasın qaytadan tömendetu jwmıstarı bastalmaq. Bwl turalı ükimet basşısı Baqıtjan Sağıntaev Ükimet otırısında mälimdedi. Sonımen birge, Bas prokuraturadan arnayı jwmıs tobı qwrılıp, tarifterdi baqılau jwmıstarı jürgizilmek. Bwdan bölek energetika jäne wlttıq ekonomika ministrligine arnayı keste dayındap, keler jıldıñ birinşi qañtarınan bastap qanday jüyede jwmıs isteytindigin dayındau tapsırıldı.

Jalpı, Qazaqstanda kez kelgen memlekettik bastamanıñ prezidenttiñ aytuımen ğana jüzege asatını da belgili. Biraq bir qızığı osıdan tura bir jıl bwrın qırküyek ayınıñ basında Nwrswltan Nazarbaev däl osı twrğın üy-kommunaldıq şaruaşığına qatıstı zañdı jetildiru kerektigi turalı ükimetke tapsırma bergen. Ol "su jäne jılu jüyesin modernizaciyalauğa köp qarajat qajet ekenin" aytıp:

"Halıqaralıq qarjı instituttarı men investorlardı tartu üşin Twrğın üy kommunaldıq şaruaşılığı jönindegi zañdı jetildirip, tarifterdi qayta qarau kerek. Bwl osı saladağı twtınuşılar men tabiği monopoliya sub'ektileriniñ qızığuşılığın qalıptı etuge mümkindik beredi. Meniñ aytqım kelgeni, biz jılu men su tarifterin kötermesek, investorlar kelmeydi. Öytkeni ärbir kelgen investor "Men stanciya salayın, biraq elektr energiyasın qanşağa sata alamın?" dep swraydı. Odan qorqudıñ (tarifterdi qımbattatu - red.) qajeti joq", - dep mälimdegen.

Osıdan bir jıl bwrın prezident tapsırmasın jüzege asıru üşin tarifterdi qımbatqan şendiler, endi onı qaytadan arzandatuğa bilek sıbana kirisip ketti. Qanday da bir sayasi nauqannıñ aldında ğana qayta qaralatın kommunaldıq qızmet türleriniñ jırı qaşan naqtı bir jolğa tüsetindigi belgisiz. Dese de, sarapşılar «ükimenttiñ soñğı uaqıttarı «jan wşıra» äreket etip jatqanına qarağanda, kelesi jılı elde merziminen bwrın prezident saylauı ötui mümkin» degen boljam aytuda.

"The Qazaq Times"