estikavkaza.ru foto: vestikavkaza.ru

8-9 qaraşa künderi Petropavl qalasında XV öñiraralıq ıntımaqtastıq forumı ötti. Atalğan şara Soltüstiktegi şalğay oblıs üşin tarihi oqiğalardıñ biri bolğandığı belgili. Bwl üşin qalanıñ äuejayınan bastap, qonaq üylerine deyin qaytadan jöndeuden ötkizilip türli ğimarattar jañaşa küyge engen. Turizm men sauda seriktestikti nığaytu maqsatında wyımdastırılğan şara barısında, Resey men Qazaqstan Prezidentteri birqatar jobalarğa toqtaldı.

Resey Federaciyasın Qazaqstan üşin strategiyalıq odaqtas äri sauda-ekonomika salasındağı mañızdı seriktes ekendigin atap ötken N. Nazarbaev, turizm, tauar aynalımı, mwnay-gaz, tau-ken metallurgiyası jäne agroönerkäsip keşeni jağınan ıntımaqtastıqtı odan äri nığaytuğa toqtalıp ötti. Bwdan bölek, jahandıq ekonomikadağı mañızdılığın aytıp, eki eldiñ turistik äleuetin tiimdi paydalanıp, onı odan äri damıtu üşin jüyeli şaralar qabıldaudı da nazardan tıs qaldırmadı. Bwdan keyin Qazaqstan Prezidenti körşiles eldermen vizalıq jäne köşi-qon rejimin jeñildete otırıp, Kaspiy teñizinde turizm jönindegi ıntımaqtastıqtıñ jüyesin qwrudı, sonday-aq, medicina jäne bilim salasındağı turizmdi damıtu kerektigin de wsındı.

Biraq, turizm men sauda-sattıq bwrınnan jalğasıp kele jatqandıqtan, bwl kezdesudiñ tağı bir sebebi bar ekendigi ras. Öytkeni, soñğı uaqttarda Mäskeu öziniñ Euraziyalıq ekonomikalıq odaq ayasındağı äriptesterin birlesip AQŞ-qa qarsı kontrsankciya saluğa jii şaqıruda. Alayda, köp vektorlı sayast wstanıp otırğan Qazaqstan jäne Amerikamen salıstırğanda ekonomikası tömen Qırğızstan, Belarussiya, Armeniya sındı elder üşin bwl wsınıstıñ tiimsiz ekendigi belgili. Dese de, Mäskeu öziniñ AQŞ-pen aradağı baqtalastıqqa Euraziyalıq odaq elderin tartuın toqtatar emes. Atalğan kezdesu de sonıñ bir nätijeli josparı boluı bek mümkin.

Halıqaralıq sarapşılardıñ sözinşe, Reseydiñ soñğı uaqıttarı Qazaqstan tauarların öz aumağına ötkizbey qoyuı däl osı AQŞ-qa salınuı tiis kontrsankciya töñireginde bolıp jatqan sayasi oyındardıñ bir böligi. Resmi Mäskeu öziniñ osı is-äreketi arqılı Astanağa qısım körsetkisi keledi. Biraq osı uaqıtqa deyin Qazaqstan biligi Reseydiñ bwl äreketine qanday da bir jauap qatpağan jäne Mäskeu bastamasın qoldauğa eşqanday niet bildirmegen.

Alayda, tiimsiz wsınısqa til qatpay kele jatqan Astana, bwl jolı tağı da ünsiz qalğan sıñaylı. Sondıqtan, tek turizm men tauar aynalımınan asa almağan kezdesu barısında, Putinniñ tağı bir josparı nätijesiz ayaqtalğan boluı mümkin.

"The Qazaq Times"