Foto: i.ytimg.com

Irannıñ birqatar bankteri halıqaralıq SWIFT aqşa audaru jüyesinen ajıratıldı.

AQŞ-tıñ Iranğa qarsı salınğan ekinşi sankciyalarınıñ tiziminde Irandı tölemder ötkizu men bankaralıq aqparat almasu jüyesinen ajıratu qarastırılğan. Bwl şara tek qana Iran emes, osı elmen mwnay eksportın jäne qarjılıq baylanıs jasaytın memleketterge de qatıstı. Demek, aldağı uaqıtta EO-ğa da keri ıqpalın tigizui ıqtimal. Sol sebepti Euroodaq basşılığı Iran tranzakciyaların saqtap aluğa arnalğan mehanizmdi qwruın jedeldetpek. Osı rette EO sırtqı qimıldar qızmetiniñ ökili Mayya Kos'yançiç: «SWIFT-tıñ bwl şeşimin öz nazarımızğa aldıq. Tölemder men bankter jüyesinen ajıratu barlığımızğa keri ıqpal etedi. Osını eskere otırıp, europalıq biznestiñ Iranmen arnayı qarjılıq mehanizmder jürgizuin qolğa aldıq», – dedi.

5 qaraşadan bastap Iran mwnayın satıp aludı toqtatpaytın memleketterdiñ bankteri üşin dollardı twtınuğa tıyım salu; Iran porttarı men negizgi salalarğa qarsı sankciyalar: energetika, keme qatınası jäne keme jasau; Irannıñ Ortalıq bankimen şetel bankteriniñ barlıq esepteri jäne Irannıñ şeteldik şottarda saqtalatın valyutağa qol jetkizuine tıyım salu qarastırılğan. AQŞ Qarjı ministri Stiven Mnuçin: «Bizdiñ maqsatımız – astırtın äreketterge qarsı twru. Osı arqılı Irannan mwnay eksportın azaytpaqpız. Eger tosqauıl bolam deuşiler tabılsa, jağday odan sayın naşarlaydı. Iran özge aymaqtarğa soğıs aşu jäne jaulauşılıq äreketterinen arıluı tiis», –ekendigin ayttı. Iranğa qarsı qabıldağan sankciyalar osı elmen qarjılıq operaciyalar jürgizetin jäne mwnay satıp alatın özge elderge de qatıstı bolıp otır. Biraq, AQŞ birqatar memleketterge jartı jılğa jeñildik berdi. Jeñildikke ilingen memleketter qatarında Qıtay, Türkiya, Ündistan, Japoniya, Oñtüstik Koreya, Tayvan', Italiya men Greciya bar.

Eske sala keteyik, resmi Uaşington sankciyalar Irannıñ «dwşpandıq is-äreketterine», onıñ işinde kiberşabuıldarğa jäne ballistikalıq zımırandardı sınauğa qarsılıq esebinde salınatının ayttı. Sonımen qatar, Tehranğa Tayau Şığıstağı radikaldı toptarğa qoldau körsetuge kedergi jasau maqsatında jüzege asadı. Sankciyalıq tizimde 700-den astam jeke twlğa, wyımdar men kompaniyalar, onıñ işinde eldiñ negizgi bankteri, mwnay eksporttauşıları men keme qatınası kompaniyaları bar.

"The Qazaq Times"