Photo: Theguardian.com

Ötken särsenbide San-Francisko qalasında Samsung korporaciyası köpten kütken jaña jinalmalı telefonnıñ perezentaciyasın jasadı.  Olardıñ aytuınşa, bwl  2019 jıldıñ tehnologiya salasındağı bastı jañalıqtardıñ biri bolmaq.

Samsung kompaniyası bwl tehnologiyanı jasau üşin soñğı birneşe jıl boyı Google-men birlesip jwmıs istegen. Kompaniyanıñ bağdarlamalıq jasaqtama tobı müşeleriniñ aytuınşa, smartfon kütkennen de asıp tüsken. Ol jay ğana iilmeydi, sonımen birge, ekranı kitap sekildi jabılğan kezde de ekinşi qosımşa ekran payda boladı.  YAğni, jinalmalı telefon eki displeyden twradı. Gadjet tolıqtay aşılğan kezde planşetti eske salsa, onı kitap siyaqtı japqan kezde qaltatelefonğa wqsaydı. Planşet türindegi displeyi - 7,3 dyuym, al japqan kezdegi displeyi - 4,5 bolmaq.

Atalğan kompaniyanıñ marketing jönindegi vice-prezidenti Djastin Denison  prezentaciya barısında  bwl gadjettiñ bolaşaq smartfondar üşin jaña bastama bolatının atap ötti.  Sebebi, ekrannıñ öndirisi barısında arnayı ikemdi jäne qattı polimerler paydalanılğan. Sonday-aq, displeydiñ oñay iilip, jabıluı üşin panelin Samsung basqa mobil'di qwrılğılardıñ paneline qarağanda öte jwqa etip jasauğa tırısqan. YAğni, atalğan gadjettiñ paneli  basqalarmen salıstırğanda 45 payızğa jiñişke. Biraq, onıñ jiñişke boluı ekran sapasınıñ qwrtıluına äser etpeydi.

Gadjettiñ qaltatelefon türindegi qızmeti şekteuli:  än tıñdau, qoñırau şalu, ne qısqa beynebayandar köruge ğana ıñğaylı, al kitap oqu nemese oyın oynau sekildi dünieler planşet türinde tiimdirek.  Sonday-aq, mwnda bir mezette üş bağdarlamanı (ağılşın tilinde- app, orısşa - prilojenie) qatar qoldanuğa mümkindik bar.

Bir mezgilde üş bağdarlamanı qoldanudıñ ülgisi

Kompnaiya Android-ke negizdelgen jaña qwrılğını 2019 jıldıñ birinşi jartısında satılımğa qoyudı josparlap otır. Sonımen birge, jaña gadjettiñ äzirge resmi atauı joq. Aldın ala boljam boyınşa, atauı - Galaxy F boluı mümkin.

Jalpı, soñğı kezderi Samsung smartfondarın satu ne satıp alu kölemi azayğan. Mäselen, IDC zertteu ortalığınıñ mälimetinşe, Samsung smartfondarınıñ jetkizilimderi Şilde-Qırküyek aylarında 13,4 payızğa tömendegen.  Ortalıqtıñ osı saladağı  qızmetkeri Marta Pantanıñ sözinşe: "Ärtürlilik öte mañızdı.  Sebebi, Samsung smartfondarınıñ satılımı Huawei jäne basqa qıtaylıq brendtermen bäsekelestikke tap bolğandıqtan, tömendep otır. Eger kompaniya narıqqa şın mänisinde jaña äri erekşe qwrılğı äkelse, onda narıqtı jaulap aları sözsiz". Al, sarapşılardıñ aytuınşa, atalğan jinalmalı telefon  Samsung brendin odan äri nığaytıp, damıtuğa jäne qoldanuşılardıñ brendke degen qızığuşılığın arttıruğa septigin tigizedi.

"The Qazaq Times"