Jamal Haşoggidiñ balaları Saud patşasımen kezdesui. Foto: Independent.ie.

Stambuldağı Saud Arabiyasınıñ elşiliginde öltirilgen jurnalist Haşoggidiñ balaları CNN arnasına swhbat berip, äkeleriniñ mäyitin qaytarmayınşa osı isti quzaudı toqtatpaytındarın ayttı.

Jamal Haşoggidiñ wldarı Salah Haşoggi (35 jasta) men Abdullah Haşoggi tanımal telearnanıñ swhbatın qabıldadı. Olar Saud Arabiyasınıñ biliginen äkesiniñ mäyitin qaytarudı talap etude. Olar sözinde: «Äkemiz batıl, äri märt, meyirimdi adam edi. Qazir bizdiñ bar tilegimiz äkemizdiñ süyegin Medinadağı äl-Baqi mazarındağı tuıstarımızdıñ janına jerleu. Onıñ mäyitin bizge qaytarmayınşa otbasımız aza twtpaydı äri bwl iste şeşilmeydi. Bwl turalı Saud Arabiyasınıñ biligimen de söylestik», – degen.

Ülken wlı Salah Haşoggidiñ aytuınşa, köptegen aqparat qwraldarı jäne jekeler bwl istiñ naqtı sırın Haşoggi otbasındağılar biledi dep oylaytının, alayda, istiñ şın sırı Haşoggi otbasına da beymälim ekenin aytadı. Ol jäne otbasınıñ basqa müşelerine qaraylasu maqsatında Uaşingtonnan Stambulğa qonıs audarğısı keletinin de bildirdi.

Salah Haşoggidiñ endigi ümiti korol' Salmannıñ bergen uädesinde. Saud Arabiyasınıñ patşası oğan osı iske qatıstı barlıq adamnıñ jazağa tartılatının, ädilet jağında twratının aytıp uäde etken.

“The Qazaq Times”