Qıtaydıñ basqarılmalı zımırandarı. Foto: VOA News.

 AQŞ prezidentiniñ wlttıq qauipsizdik jönindegi keñesşisi Jon Robert Bolton (John Robert Bolton) 26 qazan küngi aqparat qwraldarına bergen mälimetinde, Qıtaydıñ basqarılmalı zımırandarınıñ Resey üşin asa qauipti ekenin, «Kerek bolsa «Reseydiñ qolqa-jüregin de» suırıp alatının» aytqan.

Tramptıñ wlttıq qauipsizdik jönindegi keñesşisi Robert Bolton. Foto: VOA News.

Bolton Mäskeu saparınan keyin Gruziyağa da saparlay bardı. Ol Tbiliside REUTERS aqparat agenttiginiñ swhbatın qabıldap,  Qıtaydıñ Reseyge töndiretin qauipteri turalı öz oylarımen bölisken. Sonday-aq, Uaşingtonnıñ Mäskeumen äskeri strategiyalıq dialogtar ornatqısı keletinin aytqan.

Tramp ükimeti «Qırği qabaq soğısı» kezinde AQŞ-Keñes odağı arasında qol qoyğan kelisimderden bas tartatının mälimdegennen keyin, Bolton Mäskeuge arnayı saparmen barğan bolatın.

Qıtaydıñ ballistikalıq zımırandarınıñ qamtu aralığı. Foto: gifex.com.

AQŞ ükimeti öz kezeginde Reseydi atalğan kelisimdi wzaq uaqıttan beri bwzıp keledi dep ayıptadı. Al, qısqa jäne orta qaşıqtıqtağı zımırandarğa bay Qıtay atalğan kelisimde joq ekenin aytqan bolatın.

Qwrama Ştat qazir Tınıq mwhittağı bastı qarsılası Qıtayğa qarsı strategiyalıq josparlar äzirleude. Onıñ alğaşqıları qazirden bastap atqarıluda. Qıtay zımırandarına qarsı Reseydiñ zımıranğa qarsı super qorğanıs jüyesiniñ bar ekeni de anıq. Alayda, Tramp ükimeti Qıtay zımırandarınıñ Reseyge töndiretin qaupin eskertu arqılı, Resey men Qıtaydı birdey qamtitın kelisimge qol jetkizuge tırısuı mümkin.

“The Qazaq Times”