Tramptıñ wyalı telefonına jasırın tıñdağış ornatılğan. Foto: Sydney Morning Herald.

AQŞ prezidenti Donal'd Tramp Apple wyalı telefonın paydalanıp qoñırau şalğan kezde, bwl qıtaylıq tıñşılardıñ jasırın tıñdauına mümkindik berui bek mümkin. Bwnday aqparattı amerikalıq barlau agenttikteriniñ mälimetine silteme jasay otırıp tanımal The New York Times basılımı habarladı.

Bwrınğı jäne qazirgi AQŞ ükimetiniñ keybir lauazımdılarınıñ aytuınşa, prezident Tramp pen eski dostarı arasındağı äñgimelerdi tıñdau arqılı, Tramptıñ ömiri turalı tereñ mağlwmattarğa ie bola aladı dep qaraydı. Sol arqılı prezident Tramppen qalay küresuge bolatının talday aladı. Bwl ärine AQŞ sayasatına da ülken ıqpal etui mümkin.

N'yu-yorktik basılımnıñ aytuınşa, prezident kömekşileri birneşe ret Trampqa wyalı telefonnıñ şifrlanğan boluı mümkin ekenin eskertken. Alayda, Tramp Apple wyalı telefonın paydalanudan bas tartqısı kelmeydi.

Atı-jönderin bildirgisi kelmegen AQŞ ükimetiniñ lauazımdılarınıñ aytuınşa, AQŞ barlau agenttikteri bwl mälimetti Resey men Qıtay ükimetindegi aqparat közderinen jäne wstalğan şeteldik lauazımdı twlğalardan anıqtap bilgen. Atalğan aqparat közderinen jinaqtalğan mälimetter Resey men Qıtay tıñşıları AQŞ prezidentiniñ jekelik qoñırau şaluı kezindegi sözderin tıñdap otırğanın däleldegen.

“The Qazaq Times”