نيۋ-يورك تايمس: قىتاي مەن رەسەي تىڭشىلارى ترامپتىڭ ۇيالى تەلەفون قوڭىراۋلارىن تىڭداپ وتىر

اقش پرەزيدەنتى دونالد ترامپ Apple ۇيالى تەلەفونىن پايدالانىپ قوڭىراۋ شالعان كەزدە، بۇل قىتايلىق تىڭشىلاردىڭ جاسىرىن تىڭداۋىنا مۇمكىندىك بەرۋى بەك مۇمكىن. بۇنداي اقپاراتتى امەريكالىق بارلاۋ اگەنتتىكتەرىنىڭ مالىمەتىنە سىلتەمە جاساي وتىرىپ تانىمال The New York Times باسىلىمى حابارلادى.

بۇرىنعى جانە قازىرگى اقش ۇكىمەتىنىڭ كەيبىر لاۋازىمدىلارىنىڭ ايتۋىنشا، پرەزيدەنت ترامپ پەن ەسكى دوستارى اراسىنداعى اڭگىمەلەردى تىڭداۋ ارقىلى، ترامپتىڭ ءومىرى تۋرالى تەرەڭ ماعلۇماتتارعا يە بولا الادى دەپ قارايدى. سول ارقىلى پرەزيدەنت ترامپپەن قالاي كۇرەسۋگە بولاتىنىن تالداي الادى. بۇل ارينە اقش ساياساتىنا دا ۇلكەن ىقپال ەتۋى مۇمكىن.

نيۋ-يوركتىك باسىلىمنىڭ ايتۋىنشا، پرەزيدەنت كومەكشىلەرى بىرنەشە رەت ترامپقا ۇيالى تەلەفوننىڭ شيفرلانعان بولۋى مۇمكىن ەكەنىن ەسكەرتكەن. الايدا، ترامپ Apple ۇيالى تەلەفونىن پايدالانۋدان باس تارتقىسى كەلمەيدى.

اتى-جوندەرىن بىلدىرگىسى كەلمەگەن اقش ۇكىمەتىنىڭ لاۋازىمدىلارىنىڭ ايتۋىنشا، اقش بارلاۋ اگەنتتىكتەرى بۇل مالىمەتتى رەسەي مەن قىتاي ۇكىمەتىندەگى اقپارات كوزدەرىنەن جانە ۇستالعان شەتەلدىك لاۋازىمدى تۇلعالاردان انىقتاپ بىلگەن. اتالعان اقپارات كوزدەرىنەن جيناقتالعان مالىمەتتەر رەسەي مەن قىتاي تىڭشىلارى اقش پرەزيدەنتىنىڭ جەكەلىك قوڭىراۋ شالۋى كەزىندەگى سوزدەرىن تىڭداپ وتىرعانىن دالەلدەگەن.

“The Qazaq Times”